ФАКТОР НА ДЕНОТ: Бугарија не отстапува од блокадата, за Радев се важни резултатите, а не роковите
Објавено во: Македонија 15 Декември, 2021
БУГАРИЈА ОСТАНУВА СО ИСТ СТАВ КОН МАКЕДОНИЈА
Претседателот на Бугарија, Румен Радев денеска изјави дека е задоволен што европските лидери „конечно разбрале каде е вистинскиот проблем со Северна Македонија“ и дека сите обиди да се изврши притисок врз Софија се контрапродуктивни.
„На сите европски совети – од мај, разговарав со секој европски лидер на тема РС Македонија. Сакам да им се заблагодарам, бидејќи по втор пат темата е надвор од дневен ред. Нашите партнери конечно разбраа каде е вистинскиот проблем. Проблемот длабоко влијае на основата на самата ЕУ – човековите права и недискриминацијата“, изјави Радев за бугарските медиуми во Брисел каде што учествува на шестиот самит на Источното партнерство и Европскиот совет.
Вели дека Софија ќе продолжи да ја брани својата позиција, не само историјата, посочувајќи дека главен приоритет е почитувањето на човековите права на луѓето со бугарски идентитет.ИМА 326 ЗАРАЗЕНИ СО КОРОНАВИРУСОТ
Министерството за здравство информира, согласно податоците од Институтот за јавно здравје дека во последните 24 часа:
Направени се 2.562 тестирања, а регистрирани се 326 нови случаи на КОВИД-19:
Скопје – 145, Прилеп – 22, Битола – 21, Кавадарци и Охрид – по 15, Струмица - 14, Штип – 12, Куманово – 11, Валандово – 9, Радовиш – 7, Велес, Кочани и Крива Паланка – по 6, Кичево, Гевгелија и Неготино – по 5, Тетово и Ресен – по 4, Свети Николе – 3, Берово, Пробиштип и Богданци – по 2, Струга, Делчево, Виница, Демир Хисар и Македонски Брод – по 1.
Регистрирани сe 242 оздравени пациенти од: Скопје – 146, Битола – 19, Охрид – 10, Прилеп, Кавадарци, Куманово и Велес – по 8, Штип – 6, Гевгелија – 5, Демир Хисар – 4, Струмица, Кочани и Делчево – по 3, Крива Паланка и Ресен – по 2, Радовиш, Кичево, Неготино, Пробиштип, Виница, Крушево и Демир Капија – по 1.АКО НЕМА ДАТУМ, БЕСА БАРА ИЗБОРИ
Секретарот на Движењето БЕСА Аднан Азизи ги повика владејачките партии да отворат пат за предвремени парламентарни избори откако Македонија не успеа да добие датум за отворање на преговорите со ЕУ.
Тој рече дека владата е делегитимирана и дека треба веднаш да се одржат парламентарни избори во Македонија.ЧИТАЈТЕ УШТЕ