ФАКТОР НА ДЕНОТ: Денес скоро 1.000 заразени, можно е воведување на построг полициски час

Добивај вести на Viber

ДЕНЕС ИМА 999 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 3.627 тестирања, а регистрирани се 999 нови случаи на КОВИД-19 во:

Скопје – 539, Прилеп и Битола - по 44, Куманово – 41, Охрид – 38, Кавадарци – 34, Велес – 25, Гевгелија – 23, Тетово – 22, Неготино – 21, Кочани – 20, Крива Паланка – 19, Гостивар – 16, Штип – 15, Струга – 10, од Струмица, Кичево, Пробиштип, Валандово и Крушево - по 8, од Ресен и Делчево - по 7 лица, Берово – 6, Демир Капија – 5, по 4 лица од Свети Николе, Радовиш и Пехчево, од Демир Хисар и Виница - по 3, Кратово – 2, од Дебар, Богданци и Македонски Брод – по 1.

Регистрирани се 543 оздравени пациенти од:

Скопје – 240, Охрид – 52, Прилеп – 38, Тетово – 27, Велес, Гевгелија и Струга – по 24, Куманово – 17, Струмица и Битола – по 14, Гостивар – 12, Кочани – 8, Крива Паланка, Пробиштип и Дебар – по 5, Кичево, Крушево и Делчево – по 4, Ресен, Свети Николе и Кратово – по 3, од Штип, Берово, Виница, Демир Хисар и Богданци - по 2, од Неготино, Валандово и Радовиш по 1 лице.

Според неделниот извештај на Институтот за јавно здравје во периодот од 08 до 14 март 2021, тестирани се вкупно 22.625 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со зголемување од 7,3 отсто во однос на минатата недела. 

ПРИЛЕП БАРА ПОСТРОГ ПОЛИЦИСКИ ЧАС

Општинскиот кризен штаб на Прилеп побара од Главниот кризен штаб, од Владата на Република Северна Македонија и Комисијата за заразни болести, заострување на мерките за заштита од Ковид-19 кои ќе се однесуваат на целата територија на општина Прилеп.

Полицискиот час, којшто сега започнува во 22.00 часот и трае до 05.00 часот, да започнува во 19.00 и да трае до 05.00 часот наутро. Ваквата мерка, да трае во наредните две до три недели, затоа што во тој период очекуваме овој тн. трет бран на пандемијата да го достигне својот пик.

КОМИСИЈА ЌЕ ГО РАСЧИСТУВА СЛУЧАЈОТ СО РОДИЛКАТА ОД ДЕБАР

Министерот за здравство д-р Венко Филипче денеска донесе решение за формирање Комисија за вршење на надзор на стручната работа на ЈЗУ ОБ Струга, а во врска со дијагностиката и  лекарскиот третман на родилката од Дебар. 

ДЕТЕ ЗАГИНА ВО ПОЖАР ВО ГОСТИВАР

Обвинителството излезе со вознемирувачко соопштение, за детето на возраст од седум години, кое почина од пожар во зграда во Гостивар.

Имено, детето за време на пиожарот било врзано со синџир на нозете, а образложението на семејството било дека детето било агресивно. 

ВЕВЧАНЦИ ДОБИЈА КАЗНИ ЗА ПАЛЕЊЕТО НА БУГАРСКОТО ЗНАМЕ

Првообвинетиот за палењето на бугарското знаме во Вевчани на карневалот ќе плати парична казна од 7.000 евра, додека останатите двајца обвинети за овој случај ќе останат покуси за по 5.000 евра.

Ова денеска го соопшти Јавното обвинителство.

ЧИТАЈТЕ УШТЕ

Од мутациите на коронавирусот ќе зависи и текот на туристичката сезона во земјава.  Доколку се појави јужноафриканскиот сој, тој може да ги помати сметките.

Седум пратеници од помалите политички партии, и од власта и од опозицијата, предлагаат измени и дополнувања на Изборниот законик, а предлогот вчера го доставија до Собранието.

Полициски час од 17 часот попладнето до 05 часот утрото, следниот ден од петок до понеделник е една од можните рестриктивни мерки кои се планираат за земјава за крајот на тековнава недела односно за викенд.

Загребска берза сака да го зголемо учеството во Македонска берза, дознава ексклузивно Фактор. Понудата веќе е доставена, а Комисијата за хартии од вредност  со седиште во Скопје на 16 март веќе издала Решение за согласност за преземање на квалификувано учество поголемо од 10 отсто во Македонска берза.

Вложувањата на големите компании во акции на банки се покажа како оправдан деловен потфат на среден рокособено сега кога економијата се „ломи“ со „корона кризата“. Лани „Гранит“ годината ја заврши со добивка благодарејќи на неговите акции во „Комерцијална банка“ од кои зема еден милион евра дивиденда. Од оперативно работење „Гранит“ лани беше во „тенка“ загуба.