ФАКТОР НА ДЕНОТ: ДИК ги соопшти мандатите, Левица обвини за украдени пратенички места

Добивај вести на Viber

ДИК ДАДЕ ДЕТАЛИ ЗА ОСВОЕНИТЕ МАНДАТИ

Државната изборна комисија вечерва на седница соопшти дека вчера на изборите гласале нешто над 942.000 гласачи. 

Коалицијата „Можеме“ има 327.329 гласови, ВМРО-ДПМНЕ и Коалицијата 315.344, ДУИ 104.587, Алијанса за Албанците и Алтернатива 81.297 гласови. 

Левица има нешто над 37.000, Интегра над 12.000, ГДУ 3.555 гласови. Сите други се со помал број гласови. 

Коалицијата „Можеме“ има 46, ВМРО-ДПМНЕ 44, ДУИ 15, Алијанса за Албанците и Алтернатива 12, Левица  2, и ДПА 1 мандат. 

Во ИЕ 1 Коалицијата „Можеме“ има 8 мандати, ВМРО-ДПММЕ 7, ДУИ 2, Алијанса за Албанците и Алтернатива 2, Левица 1. 

Во ИЕ 2, ВМРО-ДПМНЕ има  7, „Можеме“ 7, ДУИ 3, Алијанса за Албанците и Алтернатива 3 мандати. 

Во ИЕ 3, ВМРО-ДПМНЕ има 10, „Можеме“ 9, и Левица 1 мандат. 

Во ИЕ 4, „Можеме“ има 10, ВМРО - ДПМНЕ исто 10 мандати. 

Во ИЕ 5, „Можеме“ освои 8, ВМРО-ДПМНЕ 8, ДУИ 3, Алијанса за Албанците и Алтернатива 1 мандат. 

ЛЕВИЦА ОБВИНИ ЗА УКРАДЕНИ МАНДАТИ

Првиот човек на Левица, Димитар Апасиев, на прес-конференција изјави дека се сомневаат дека партијата по вчерашните избори е оштетена за минимум околу 10 илјади гласови и дека им се украдени, како што рече, тројца пратеници, во изборните единици 1, 2 и 4. 

Ќе поднесат приговор во законскиот рок од 48 часа, а најави и кривични пријави против членовите на ДИК затоа што вели дека ова е „невиден скандал во досегашната изборна историја“. 

ПОЧИНАА 8 ЛУЃЕ ОД КОРОНАВИРУСОТ

Министерството за здравство информира дека во последните 24 часа се направени 830 тестирања, а регистрирани се 94 нови случаи на ковид-19 во: Скопје-49, Куманово-2, Штип-8, Прилеп-1, Тетово-6, Струга-2, Гостивар-13, Кочани-2, Свети Николе-9, Кичево -2.

ДЕНЕСКА СЕ ОГЛАСИ МИЦКОСКИ

Христијан Мицкоски, претседателот на ВМРО-ДПМНЕ, денеска попладне за прв пат излезе во јавноста по вчерашните изборни резултати и рече дека најголемата опозициска партија го има кредибилитетот затоа што, како што вели тој, освоила за 10 до 12 илјади гласови повеќе од СДСМ доколку не се смета предизборната коалиција со БЕСА.

Сепак, како што кажа Мицкоски, нема намера да преговара со луѓе осомничени за криминал, без да каже кои се тие.

Со луѓе осомничени за криминал немам намера да преговарам. Кредибилитетот за составување на Влада го има ВМРО-ДПМНЕ. Но, да почекаме да видиме како ќе се одвива процесот. ВМРО-ДПМНЕ има два мандати повеќе од СДСМ без коалицијата, рече Мицкоски.

ЧИТАЈТЕ УШТЕ

Во ГОБ „8 Септември“ денеска се примени седум нови пациенти заразени со корона вирусот во многу тешка состојба. Директорот на овој Ковид-центар, д-р. Христијан Костов за Фактор информира дека од вкупниот број, 93 хоспитализирани во болницата, повеќе од 80 се на кислородна поддршка.

Зошто на гласање не излегоа 264 илјади граѓани, е прашањето што ќе мора да си го постават политичарите, особено лидерите на двете најголеми политички партии од македонскиот партиски блок.

Очекувањата се дека Влада секако ќе се формира, а теоретски најневозможна варијанта е повторување на изборите.

Ова е размислувањето на политичкиот аналитичар Алберт Муслиу дадено за Фактор, во период кога се уште не е официјално познат бројотна мандатите кои политичките партии ги освоија на последните предвремени парламентарни избори.