ФАКТОР НА ДЕНОТ: Eпидемијата не стивнува, за едно деноноќие 156 инфицирани од Ковид - 19

Добивај вести на Viber

ПОЧИНАА 6 ЛУЃЕ, А ИМА И 165 НОВИ ЗАБОЛЕНИ

За едно деноноќие има 156 нови случаи на заболени од Covid-19, a резултатот е добиен по изработени 1227 тестови, информираа од Министерството за здравство. 

Распоредено по градови: Скопје – 100, Тетово – 19, Кочани – 13, Велес – 6, Штип – 6 и Струга – 2. 

По еден случај во: Свети Николе, Кратово, Гевгелија, Гостивар, Кавадарци, Охрид, Битола, Прилеп, Куманово и Дебар.

29 пациенти се излекувани, а починаа 6 пациенти. 

Скопската Општина Чаир се уште е лидер по бројот на заразени од коронавирусот. 

Во главниот град, заклучно со вчера најмногу случаи на позитивни има во  Чаир – 352, а потоа следуваат Гази Баба – 128, Аеродром со 127, Центар – 123, Бутел – 117, Карпош – 108, Сарај – 109, Кисела Вода – 82, Ѓорче Петров – 63, Студеничани – 75, Шуто Оризари – 54, Арачиново – 44, Илинден – 24, Петровец – 12, Чучер Сандево – 8 и Сопиште – 11. 

Во Дебар од 5 јуни наваму има 12 новозаразени од коронавирусот. 

Се очекува дека и понатаму ќе има нови случаи. 

ОБЈАВЕНИ „БОМБИ“ ЗА СЛУЧАЈОТ „РЕКЕТ“

Нови аудио бомби се објавија на „Ју тјуб“ поврзани со случајот „Рекет“, за кој вчера беа осудени шоуменот Боки 13 на 9 и екс обвинителката Катица Јанева на 7 години затвор.

Под псевдонимот „Алибаба Тредичи“ објавени се два разговори, на кои како што тврди објавувачот, наводно се слуша гласот на  адвокатот Васил Димишков, брат на судијката Весна Димишкова, која му одреди притвор на бизнисменот Орце Камчев во случајот „Империја“.

Во објавените разговори, Димишков со соговорникот го споменува Камчев, но зборува и за милионски суми на евра. 

Двете „бомби“ кои беа објавени на Јутјуб од анонимен профил, а на кои наводно се слуша гласот на адвокатот Васил Димишков, му се познати на Обвинителството и веќе биле изведени во судската постапка за случајот „Рекет“.

СДСМ ИМА ПРОТОКОЛ ЗА СОБИРИ

Коста Петров, потпретседателот на СДСМ, ги објави основните заштитни мерки на владеачката партија во текот на изборната кампања, во која нема да има собири со повеќе од 50 луѓе на отворено и 30 на затворено, а исто така и нема да има активности од „врата до врата“.

- Во овие услови на глобална пандемија на коронавирусот и борбата со опасниот и непредвидлив непријател ве уверувам дека ќе одржиме безбедна кампања и 100 процентно безбедно гласање на 15 јули. Нашата кампања ќе биде без митинзи, големите собири и сите потенцијално ризични настани, ќе бидат заменети со нови алтернативни начини на кампања. До граѓаните ќе се обраќаме на два начини со онлајн дигитални активности и тоа: со видео и графички пораки преку социјални медиуми, пренос на видео конференции во живо преку интернет, гостувања во медиумите, спотови, веб банери. Другата група активности се офлајн и опфаќаат, билборди, печатени програми и летоци , информативно штандови, прес конференции, како и средби со граѓаните со ограничен публика од 50 граѓани на отворен простор и 30 во затворен простор Сите настани ќе се одвиваат со строго почитување на протоколите за организација на јавни настани., рече Петров.

Според протоколот кој го објави СДСМ, сите присутни на јавен настан или состанок мора да носат заштитна маска, мора редовно да ги мијат рацете или да вршат дезинфекција, која ќе ја обезбеди организаторот, да одржуваат растојание од 2 метри Околу локацијата на секој јавен настан ќе бидат поставени КОВИД-19 заштитни станици – пултови, на кои ќе има средства за дезинфекција и маски На јавните настани е забрането внесување на храна и пијалаци. 

ЧИТАЈТЕ УШТЕ

Додека трае пандемијата на коронавирусот, низ улиците може да се забележат многу граѓани кои со заштитната маска ја покриле само устата, но не и носот.

Пандемијата со Ковид- 19 го затекна светот, ги погоди здравствените системи на земјите, но предизвика и економска криза чии последици се се уште несогледливи.

Нема напредок на релација Влада - кабелски оператори - национални телевизии. Останува во игра најавата дека почнувајќи од 21 јуни, односно од недела, па во сите наредни денови, операторите ќеги исклучуваат сите телевизии што ги реемитуваат, и домашни и странски, освен трите канали на јавниот сервис, МТВ1, МТВ2 и МТВ3.

Горд на својата работа, исполнет во меѓународната компанија каде работи, Македонецот Филип Станковиќ за Фактор раскажува како е да се работи во интернационална средина и да успееш во група со 400 научници кои го менуваат секојдневието на тутунската индустрија.

Вкупниот број на заразени со корона вирусот до вчера само во главниот град изнесува 2.243. Со вчерашните 107 новозаразени, активни случаи во Скопје има 1.507. 

Денеска не се реализираше состанокот со градоначалниците на скопските општини и членовите на Комисијата за заразни болести, но ваквата средба на која треба да се раговара за понатамошните чекори и активности на општините со цел намалување на бројот на новозаразени, е презакажана за в понеделник.

Кафулињата и рестораните ќе можат да работат и до полноќ во работни денови, а до 1 часот по полноќ за време на викенд.