ФАКТОР НА ДЕНОТ: Фајзер има нов услов, во понеделник ќе се разговара за нови рестрикции

Добивај вести на Viber

ФАЈЗЕР ИМА НОВ УСЛОВ ЗА ВАКЦИНИТЕ

Дополнително барање во однос на договорот со Фајзер стигнало пред три дена од компанијата, соопшти денеска министерот за здравство Венко Филипче. Рече дека процедурата се одложила токму поради вакви услови од оваа компанија, а последниот е за одговорноста од евентуални несакани ефекти од вакцината.

ЌЕ СЕ РАЗГОВАРА ЗА НОВИ РЕСТРИКЦИИ

Зголемување на времетраење на полициски час и скратување на работното време на угостителските објекти е следниот чекор на заострување на мерките за заштита од Ковид19, изјави денеска министерот за здравство Венко Филипче. Сепак тој додаде дека очекува полицискиот час кој сега е на сила да даде резултат, а ако треба нова проценка ќе се прави на почетокот на следната недела.

„Денеска имаме под 1.000 заболени и ние очекуваме растот на новозаболени да забавува. Спремни сме да препорачаме дополнителни рестрикции, но во во консултација сме со докторите и цениме дека засега нема потреба дополнителни рестрикции, рече Филипче. 

ДЕНЕС ИМА НОВИ 999 ЗАРАЗЕНИ

Министерството за здравство информира, согласно податоците од Институтот за јавно здравје:

Во последните 24 часа се направени 3.566 тестирања, а регистрирани се 999 нови случаи на КОВИД-19 во:

ВЛАДАТА ПРОВЕРУВА ДАЛИ ОСМАНИ ЛОБИРАЛ ЗА КОСОВО

Кој е ставот на Владата на изјавата на вицепремиерот Артан Груби дека министерот за надворешни работи Бујар Османи во Шпанија лобира и за признавање на Косово и дали е тоа државна надворешна политика на Владата или лична изјава на Османи и кој е ставот на Владата за изјавата на Груби дека Косово е високо на приоритетите на Македонија, владиниот портпарол Душко Арсповски рече дека навистина за ова Владата во моментов нема коментар.

„Ги проверуваме сите овие наводи за кои зборувате и ќе се изјасниме за ова откако ќе имаме увид во тоа“, рече Душко Арсовски. 

Јасмина Ѓоргиева, портпарол на Државниот завод за статистика, вели дека се чувствува дека во последниве денови како да стивнува тивкиот бојкот на нашинците од дијаспората во однос на самопопишувањето. 

ЧИТАЈТЕ УШТЕ

Дел од вакцините на АстраЗенека треба да стигнат во земјава до крајот на месецов и нив ќе ги добиеме преку Ковакс системот, а дел од нив до 15 април. И кинеските вакцини се очекува да стигнат до крајот на месецов. За другите вакцини, пак, се уште нема прецизна информација кога со нив ќе се наполнат фрижидерите во пунктовите за вакцинација.

Во корона криза некој одлучи да инвестира во здравствена установа, прочуена по својата лековита термална вода. Станува збор за превземање на бањата „Цар Самуил“ од струмичко Банско при што се купени 75,5 отсто од акциите со право на глас за 3,73 милиони евра. 

Извршител на доверителиот Петар Наумовски, поранешен кошаркар а сега бизнисмен, изминатата недела наплатил безмалку 400.000 евра од Владата за „Агрокомбинат Македонија“, од каде мнозински удел со приватизација му беше доделен во негова сопственост пред 20-тина години. 

Иако политичарите тврдат дека пред Уставот и законите сите граѓани се еднакви, сепак во пракса има примери кои покажуваат дека тоа не е така.

Еуростандард банка во стечај ги продава акците во Македонска берза за кои Загребската доби дозвола да ги купи, но кој ја договарал продажбата и со чие посредство, засега нема точни информации. Ова не го соопштуваат ниту од Загребската берза каде се обрати Фактор, ниту од Македонска берза.