ФАКТОР НА ДЕНОТ: Филипче ги отфрли обвинувањата за вакцините, а Каракачанов објави список на луѓе кои имаат бугарски државјанства

Добивај вести на Viber

ФИЛИПЧЕ ГИ ОТФРЛИ ОБВИНУВАЊАТА ЗА НАБАВКАТА НА КИНЕСКИТЕ ВАКЦИНИ

Министерот за здравство, Венко Филпче денеска на прес конференција ги отфрли сите обвинувања кои се однесуваат на сомнителни постапки при набавка на вакцините од кинескиот производител Синофарм. Рече дека како Влада и како министерство секогаш се водат по два принципа, а тоа се внимателност и регуларност и дека не станува збор за никакви незаконски дејствија, односно провизии, за кои се обвинети.

„Не станува збор, апсолутно, за ништо незаконски, за ништо нерегуларно, не станува збор за некакви провизии или било што за што овие денови ме обвинува опозицијата“, рече Филипче.

-Владата и Министерството за здравство од почетокот на процесот за набавка на вакцините интензивно комуницира со голем број компании и производители. Имаме два принципи по кои се водиме: внимателност и регуларност. Апсолутно ги отфрлам сите обвинувања дека станува збор за незаконски постапки, провизии, и жал ми е што сето ова излегува во опозициските медиуми, истакна министерот Филипче.

ДЕНЕС ПОВТОРНО НАД 900 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 3.450 тестирања, а регистрирани се 947 нови случаи на ковид-19 во:

Скопје – 453, Прилеп – 65, Велес – 56, Неготино - 44, Кавадарци – 41, Штип – 30, Тетово – 29, Куманово – 26, Струмица – 22, Гостивар и Битола – по 21, Охрид – 19, Гевгелија – 18, Кочани – 17, Струга – 12, Крива Паланка и Крушево – по 9, Ресен – 7, Берово и Кратово – по 6, Делчево и Демир Капија – по 5, Дебар, Радовиш и Богданци – по 4, Кичево, Свети Николе, Пробиштип, Виница, Валандово, Демир Хисар и Пехчево – по 2.

Регистрирани се 397 оздравени пациенти од:

Скопје – 175, Прилеп – 41, Кавадарци – 34, Куманово – 20, Велес – 16, Неготино – 15, Битола и Крива Паланка – по 14, Тетово – 11, Гевгелија – 8, Ресен, Пробиштип и Богданци – по 5, Гостивар, Штип, Струмица, Делчево и Кратово – по 4, Кичево и Крушево – по 3, Берово и Валандово – по 2, Струга, Свети Николе, Демир Хисар и Демир Капија – по 1.

КАРАКАЧАНОВ ОБЈАВИ СПИСОК СО ИМИЊА НА ЛУЃЕ КОИ ПОСЕДУВААТ БУГАРСКИ ДРЖАВЈАНСТВА

Бугарскиот министер за одбрана и вицепремиер Красимир Каракачанов, во изјава за Сител вели дека никаде во својата објава не кажал дека објавените имиња се македонски политичари.

Вели дека македонските политичари одамна станале мајтап, не само во Македонија туку во целиот свет. 

„Но, во Бугарија законот е ваков: 40 дена пред изборите секоја општина објавува списоци на луѓето кои имаат право на глас. Јас си поиграв малку, и почнав да ги гледам кои може да гласат во Ќустендил, Благоевград, Софија и има многу македонски со бугарско државјанство. И има многу интересни имиња.“, вели Каракачанов. 

Тој потоа кажува дека никаде во објавата не кажал дека се поранешни или сегашни политичари и пратеници.

Каракачанов претходно објави дека на избирачкиот список имало имиња како Александар Николоски, Марија Петрушевска, Антонио Милошоски, Никола Мицевски, Стефан Андоновски, Иван Јорданов, Игор Здравковски, Марија Андоновска, Бојан Стојановски, Дејанчо Ефтимов и Здравко Трајанов.

Петар Богојески ги отфрли тврдењата на Красимир Каракачанов, министерот за одбрана на Република Бугарија кој утрово објави список со имиња за кои тврди дека се меѓу 120 македонски државјани кои се на изборниот список во Бугарија односно имаат бугарско државјанство. Тврди дека ги избрал „рандом“ но повеќето асоцираат на имиња на македонски политичари. 

12 ЛУЃЕ ГО ПРЕКРШИЛЕ ПОЛИЦИСКИОТ ЧАС

Министерството за внатрешни работи објави дека синоќа имало 12 прекршувања на првиот ден од забраната за движење од 22.00 до 05.00 часот како мерка против ширењето на Ковид-19.

ЧИТАЈТЕ УШТЕ

Скопската челичарница со ново име и сопственици „Либерти“лани оствари профит од 30,4 милиони евра. Генератор на огромниот профит се останатите оперативнит приходи кои лани биле 31,9 милиони евра и се 343 пати поголеми од 2019 година. Во образложението кон финансиските резултати нема ниту збор за оваа супер ставка

Во услови кога кај нас бројот на вакцини може да се изброи на прсти, а истовремено заинтересираноста кај граѓаните за примање на вакцината против корона вирусот се зголемува, расте и револтот кај одредени здравствени работници, кои иако не се директно вклучени во лекување на ковид-пациенти, на секаков друг можен начин се изложени на ризик да се заразат со вирусот. 

Комерцијална банка ја зацврстила својата позиција на убедливо најголема банка во земјава. Нејзината актива заклучно со крајот на минатата година достигнала 2,157 милијарди евра, со што таа банка останува убедливо на врвот на листата како најмоќна банкарска институција во државава.

Нов убав сигнал за инвеститорите на Комерцијална банка. Ден откако банката извести дека поделбата на дивидендата нема да се случи по акционерското собрание, туку откако Народната банка ќе ја тргне времената забрна за поделба, денеска од банката известија дека Хари Костов, Главниот извршен директор и Претседател на Управниот одбор, се стекнал со 500 обични акции издадени од Комерцијална банка АД Скопје.

Состојбата во Тиквешијата е загрижувачка, па дури и алармантна заради се поголемиот број новозаразени на кои им е потребна хоспитализација. Директорот на Општата болница-Кавадарци, д-р. Диме Коцев за Фактор потврди дека сега дури половината од вкупниот број пациенти кои се лекуваат на трите ковид одделенија во оваа здравствена установа се од Неготино.

Заменик министерот за здравство, доктор Илир Хасани, вели дека тој до крај ќе го застапува ставот на Комисиојата за заразни болести, дека се уште не трерба да се дозволи работење на рестораните за свадби. 

На одделот за Физикална терапија во болницата во Штип сите тројца лекари се позитивни на ковид.