ФАКТОР НА ДЕНОТ: Изборите се распишани, а од утре се отвораат границите

Добивај вести на Viber

РАСПИШАНИ СЕ ИЗБОРИТЕ, ПАРТИИТЕ СТАРТУВАА СО ВЕТУВАЊА

Љупчо Николовски, генералниот секретар на СДСМ, на денешната прес-конференција на партијата рече дека недела ќе биде прогласен за неработен ден за сите работници и дека ќе се зголеми минималната плата.

- Ќе успееме и ќе работиме сите, без разлика кој од која партија е, или ќе царуваат локални шерифи, неработници и криминалот.  ВМРО-ДПМНЕ во текот на корона-кризата ниту еднаш не ги повика граѓаните да ги почитуваат заштитните мерки и го исмеваа здрватсвениот систем, рече шефот на изборниот штаб на владеачката партија.

Николовски рече дека СДСМ нема да огранизира големи собири и кампањата од 24 јуни  главно ќе ја води преку социјалните мрежи, медиумите, билбордите и дигиталните алатки. 

Стравот од изборен пораз, не е и не можеше да биде легитимна причина да се бега од волјата на народот. 

Ова на фејсбук го напиша министерот за надворешни работи Никола Димитров, кој нагласува дека ова посебно не треба да важи за партија која постојано го узурпира и се дрзнува да зборува во името на народот. 

„Како што не смееше да биде ниту легитимна причина за бојкот ‚ценкањето' дали изборите ќе бидат на 5 јули или десет дена подоцна.

СЕ ОТВОРААТ ГРАНИЦИТЕ, ХОТЕЛИТЕ, БАЗЕНИТЕ

Владата донесе одлука од утре, 17 јуни, да се отворат сите гранични премини во земјата со примена на мерките што се активни. 

За влез во Северна Македонија е задолжително да се приложи валиден негативен ПЦР тест, не постар од 72 часа. Останува и мерката за потпишување „Изјава за задолжителна самоизолација во траење од 14 дена“, врз основа на која Државниот санитарен и здравствен инспекторат изготвува Решение за здравствен надзор и домашна самоизолација, која ја контролира МВР.

„Останува во сила и мерката за државен карантин во траење од 14 дена, за сите граѓани или странци со регулиран престој во земјава, коишто при влез на територија на Република Северна Македонија нема да приложат валиден ПЦР тест или ќе приложат невалиден ПЦР тест. Останува и можноста граѓаните кои се во државен карантин и што сакаат да им се направи ПЦР тест на нивно барање, тоа да им се овозможи од страна на овластена институција во најкраток рок. Оние граѓани на кои направениот ПЦР тест е негативен, потпишуваат „Изјава за задолжителна самоизолација во траење од 14 дена“ каде се пресметани и деновите поминати во државен карантин, и го напуштат државниот карантин и заминуваат во задолжителна самоизолација на адресата определена во дадената изјава“, информираа од Владата. 

Базените ќе почнат со работа, но само за пливачките клубови. 

НОВИ 134 ЗАБОЛЕНИ И 8 ПОЧИНАТИ ОД КОРОНАВИРУСОТ

Во последните 24 часа се регистрирани се 134 нови случаи на ковид-19 од направени 1173 тестирања во Македонија, објави Венко Филипче, министерот за здравство, а има и осум починати лица.

Најголемиот број на позитивни се во Скопје со 97 случаи, додека во другите градови се помалку и следуваат Тетово 11, Ресен 7 Куманово 5 и Струга со 3.

ЧИТАЈТЕ УШТЕ

Во рок на три месеци, додека Македонија се бореше  и сѐ уште се бори со пандемијата на коронавирусот, во земјава се затворени голем број фирми од различни дејности.

Уште нема одговор од Комисијата за заразни болести за тоа дали ќе дозволат измена на членовите 8 и 9 од Протоколоот за работа на угостителските објекти, според кои на една маса за четири лица треба да седат само членови на исто семејство.

Статистиката за бројот на починати пациенти од корона вирусот од почетокот на епидемијата во земјава е загрижувачка.

Тајванската компанија Јагео ја купува Кемет корпорација. Финалната регулаторна потврда беше објавена на 9 јуни што значи дека аквизицијата може да се реализира. 

Тони Стојановски на местото на Коста Костовски. 

Стојановски во следните четири години ќе биде претседател на Одборот на директори на Македонска берза.

Целта на ваучерите за домашен туризам беше прикажување на природа, а не промовирање на одредена дестинација на земјава, велат од Министерството за економија за Фактор, откако денеска се појави нова „погрешна“ слика токму на ваучерот за туризам, која сега не може да биде променета.