ФАКТОР НА ДЕНОТ: Коцевски го повика да пријави, a Ѓорѓиевски веќе имал средба со Финансиската полиција

Добивај вести на Viber

КОЦЕВСКИ ГО ПОВИКА ЃОРЃИЕВСКИ ДА ПРИЈАВИ АКО ИМА ДОКАЗИ ЗА ЗЛОУПОТРЕБИ

Jaвниот обвинител Љупчо Коцевски го охрабри скопскиот градоначалник Орце Ѓорѓиевски да пријави злоупотреби во јавните претпријатија ако има докази. 

Вели дека Ѓорѓиевски доколку има докази за злоупотреби во јавните претпријатија е надлежен и тоа може да го пријави. 

„Во однос на изјавите на градоначалникот дека Јавното обвинителство треба по допрен глас, само ќе кажам дека тој како градоначалник доколку има докази е надлежен и тоа може да го пријави на надлежните органи, да ги донесе тие документи, евентуално што го има, во Јавното обвинителство. И, досега Јавното обвинителство, така постапувало, што значи дека ќе постапува и натаму и доколку навистина има злоупотреби, ние немаме проблем, стоиме на располагање“, изјави Коцевски.

Ѓорѓиевски рече дека затекнал 16 функционални камиони на ЈП Комунална хигиена зашто Градот должел за сервисирање. Како што рече во интервју за ТВ Сител, сервисерите излегле во пресрет и сега има над 40 оперативни машини кои работат на терен, очекува во наредните денови да има 60-ина со што, рече, би биле целосно оперативни. 

За повикот на јавниот обвинител Љупчо Коцевски да пријава доколку има индиции за злоупотреби во Град Скопје, Ѓорѓиевски додаде дека веќе имале средба со претставници на Финансиската полиција. 

Поранешната градоначалничка на Скопје, Данела Арсовска, за прв пат се огласи во јавноста по изборите и предавањето на градоначалничката функција.

СУДЕЊЕТО ЗА „ПУЛС“ ЌЕ ГО ЗАСТАПУВААТ 15 ОБВИНИТЕЛИ

Истрагата за полициските службеници, во врска со пожарот во дискотеката „Пулс“ во Кочани, беше предвидено да заврши до крајот на септември годинава, меѓутоа имаше објективни околности околу сослушување на одредени сведоци, со тоа што најверојатно на почетокот на наредниот месец ќе се донесе и јавнообвинителска одлука, изјави републичкиот јавен обвинител Љупчо Коцевски, прашан до каде се другите истраги и предистраги за пожарот во дискотеката „Пулс“ во Кочани. 

ЧИТАЈТЕ УШТЕ

Луѓето кои се соочиле со отказ од работа, велат дека настојувале што побрзо да најдат нова работа, така што ги проверувале огласите, контактирале колеги, се јавувале во компании и прашувале дали им се потребни работници.

Пад на добивката забележа Раде Кончар Апаратна техника при годинешното работење, покажува нивниот последен биланс на успех. Согласно податоците кои ги објавија на Македонска берза за период од почетокот на годината до крајот на септември Раде Кончар оствариле добивка, но таа е помала отколку минатогодишната

Новиот градоначалник на Крушево, Нико Чонески, е бизнисмен познат по производството на, како што често вели тој, најдобриот крушевски локум.