ФАКТОР НА ДЕНОТ: Koвачевски и Мицкоски се соочија на дуел, двајцата се убедени дека ќе победат на изборите

Добивај вести на Viber

ДУЕЛ КОВАЧЕВСКИ - МИЦКОСКИ

До 2028 година ќе завршат преговорите, по две години ратификација ќе следи членство во ЕУ, изјави претседателот на СДСМ, Димитар Ковачевски на дуелот на Канал 5 вечерва со политичкиот противник Христијан Мицкоски. 

„Вакви муабети дека водата е мокра, сонцето е топло, се изнаслушавме на вакви муабети“, рече Мицкоски. 

Тој додава дека по потпишување на договорот со Бугарија, се случи антагонизам меѓу двата народи, туристичките посети меѓу двете земји смета дека се намалени, а односите се влошени. 

TOШКОВСКИ РЕАГИРА НА ИЗЈАВАТА НА БОЈМАЦАЛИЕВ ЗА УБИСТВОТО НА ЛЕКАРОТ

Техничкиот министер за внатрешни работи, Панче Тошковски апелира да не се навлегува во детали што би можеле да ја загрозат истрагата за убиството на лекарот во Железара. 

Тој денеска ги оцени како несериозни и непрофесионални изјавите од кој било функционер за убиството.

„Несериозни и непрофесионални изјави, не сум ги слушнал, но, ако е така како што велите, дека било кажано од страна на кој било функционер, можам слободно само да кажам дека станува збор за несериозна и непрофесионална изјава“, кажа Тошковски. 

АПЕЛАЦИЈА ЈА ПРИФАТИ ЖАЛБАТА НА БОКИ 13

Апелација ја укина пресудата за „Меѓународен сојуз“. Уважени се жалбите на Бојан Јовановски алијас Боки 13 и татко му Миле Јовановски, Јасна Ерцеговиќ Мандиќ и за Христина Блажевска –  кои се првостепено осудени, а апелационите судии ја потврдија ослободителната пресуда за екс-пратеничката на СДСМ, Фросина Ременски.

ЧИТАЈТЕ УШТЕ

Се покажало дека климатските промени влијаат на миграциите на птиците.

ЕВН Хоме е повторно избран за нов универзален снабдувач на регулираниот пазар на електрична енергија за домаќинствата и малите потрошувачи. 

Одлична добивка од 2,1 милиони евра објави нашиот градежен гигант „Гранит“. Сосема солиден резултат на една од најстарите и најстабилни македонски компании, дотолку повеќе што станува збор за зголемување за 178 проценти во однос на претходната 2022 година.

Нормак Инвестмент, операторот кој во јавно-приватно партнерство со државата е косопственик на индустриската зона во Тетово, доби лиценца за пробно работење од Регулаторната комисија за енергетика за изградба на голема фотоцентрала од 10 мегавати, Истовремено, Дирекцијата на ТИЗР пред неколку дена склучила договор со компанијата „Зобек Мајнинг“ за околу 6,5 милиони евра да го расчистува теренот за поставување на фотонапонски централи на земјиште во преостанатите шест индустриските зони.

На изненадување на целата инвеститорска заедница дивидендниот аутсајдер „Силк Роуд Банка“ ќе исплати бруто дивиденда од 41,6 евра по акција. Лани оваа банка имаше супер успешна година во која добивката по акција изнесува 211,5 евра.