ФАКТОР НА ДЕНОТ: Нема нови рестриктивни мерки иако се регистрирани повеќе од 1.400 заразени

Добивај вести на Viber

ЗАСЕГА НЕМА НОВИ РЕСТРИКЦИИ

Комисијата за заразни болести на денешниот состанок не препорача нови мерки, а следниот состанок е закажан за вторник идната недела. Останува на сила полицискиот час кој трае од 22 до 05 часот изутрина, а со последната одлука на Владата, по препорака на Комизијата за зарани болести, засега оваа рестриктивна мерка во насока на спречување на ширењето на корона вирусот ќе трае до 6.април.

Извори на Фактор од Комисијата за заразни болести брифираат дека ова тело веќе има нови членови.

МАКЕДОНИЈА РЕГИСТРИРАШЕ НАД 1.400 ЗАРАЗЕНИ

Министерството за здравство информира, согласно податоците од Институтот за јавно здравје:

Во последните 24 часа се направени 4.277 тестирања, а регистрирани се 1.422 нови случаи на КОВИД-19 во:

Скопје – 618, Куманово – 94, Прилеп – 89, Велес – 76, Тетово – 63, Гостивар – 54, Кавадарци – 53, Битола – 50, Штип – 39, Гевгелија – 38, Охрид – 33, Струмица – 27, Неготино – 26, Кочани – 22, Кичево – 17, Струга 13, Ресен – 12, Пробиштип – 10, Дебар, Берово и Свети Николе – по 9, Крива Паланка и Радовиш – по 8, Валандово – 7, Богданци и Демир Капија – по 6, Македонски Брод и Пехчево – по 5, Виница и Делчево – по 4, Крушево – 3, Демир Хисар и Кратово – по 2, Дојран - 1.

Регистрирани се 457 оздравени пациенти од:

Скопје - 128, Прилеп – 50, Кавадарци -33, Неготино – 28, Гостивар – 26, Куманово, Тетово и Велес – по 25, Струмица – 17, Гевгелија – 16, Штип – 15, Битола и Кочани – по 11, Берово -10, Валандово – 6, Радовиш – 5, Кичево и Крушево – по 4, Крива Паланка, Делчево и Демир Капија – по 3, Пробиштип и Виница – по 2, Охрид, Ресен, Богданци, Демир Хисар, Македонски Брод и Дојран – по 1.

НАРКОБОСОВИТЕ КОИ БЕА СЛЕДЕНИ СЕ ВО БЕГСТВО

Шефицата на Основното јавно обвинителство за гонење на организиран криминал, Вилма Русковска, денеска соопшти дека цела година двајца јавни обвинители заедно со истражители од ова обвинителство, ги следеле двете криминални групи чии членови вчера беа уапсени во голема полициска акција „Планина“ во Грчец и Гази Баба. 

Според неа, во овој период се собрани доволно докази за нивната недозволена трговија со дрога – главно кокаин, преку низа специјални мерки – следење комуникации, тајно следење и снимање надвор од приватен имот.