ФАКТОР НА ДЕНОТ: Нови 127 заразени со коронавирусот, а три лица починаа

Добивај вести на Viber

И ДЕНЕС ВИСОКА БРОЈКА НА ЗАРАЗЕНИ СО КОРОНАВИРУС

Во последните 24 часа се направени 702 тестирања, а регистрирани се 127 нови случаи на ковид-19, информира министерот Венко Филипче. Од нив од Скопје се 67, од Штип се 33, тетово 10, Куманово 1, Дебар 1, Струга 5, Охрид 6, Кочани 2, Пробиштип 2. Во исто време од Кoвид-19 починале тројца пациенти.

На Клиниката за инфективни болести и фебрилни состојби починал пациент од Куманово на 70 години, хоспитализиран на 4 јуни и двајца од Скопје, пациент на возраст од 62 години, хоспитализиран од 5 јуни и пациент на возраст од 78 години, хоспитализиран на 2 јуни.

Денеска Институтот за јавно здравје регистрира 7 оздравени пациенти.

УТРЕ ЌЕ СЕ ДИСКУТИРА ЗА РЕСТРИКЦИИ НА ДВИЖЕЊЕТО

Во последните 24 часа се направени 702 тестови и регистрирани нови 127 заразени, изјави денеска на прес - конференција министерот за здравство, Венко Филипче. 

„Се покажа дека најголем број од заболените се всушност заболени на семејни и други собири“, вели министерот. 

Филипче рече дека е подобрена соработката со граѓаните, а многу од новите случаи се со лесна клиничка слика или се без симптоми. 

90 отсто во Скопје паѓаат во 41 кластер, како што објасни министерот. Повеќето луѓе се заразени пред две седмици. 

Д-р Жарко Караџовски денеска на прес - конференција изјави дека најголем број од новите заразени од коронавирусот, се на возраст над 60 години. 

Понатаму, најзастапени се пациентите на возраст над 50 години. 

Вели дека инкубацијата на вирусот е 5 до 7 дена. 

„Вториот бран ни се појави сега, и тој ќе се поклопи со бројот на заразени од април месец“, изјави Караџовски. 

Директорот на Центарот за јавно здравје - Скопје, д-р Арбен Зибери денеска на прес - конференција изјави дека oние кои се позитивни и се без симптоми, се лекуваат дома, а оние кои имаат лесна слика, или се лекуваат дома, или се хоспитализираат. 

Во Чаир има 169 активни случаи, односно најмногу. Понатаму, голем е бројот на заразени во Бутел, Сарај, Арачиново. 

КОРОНАТА ВЛЕЗЕ И ВО ВЛАДАТА

Двајца вработени во Секретаријатот за европски прашања се позитивни на коронавирусот. Информацијата ја потврди и вицепремиерот за европски прашања Бујар Османи кој рече дека тие лица се во изолација.

ЧИТАЈТЕ УШТЕ

Десет веледрогерии лани направиле приходи поголеми од 10 милиони евра. Најголемата профитна маргина „допре“ 7 отсто од приходите, а најголемиот износ на добивка лани е 1,3 милиони евра.

Повеќе од половина милион македонски државјани доцнеле со исплатата на разните обврски во 2019, според нотификацијата на Македонското кредитно биро по сумираните резултати за минатата година. 

На крајот на мај 2020 година, официјалните девизни резерви изнесуваат 3, 079 милијарди евра и во однос на претходниот месец се намалени за 80,5 милиони евра, покажуваат податоците на Народната банка.

Очекуваме пад на кривата и враќање на животот кон нормала, а со тоа и непреченост во движењето насекаде низ Европа и светот, вели во интервју за Фактор, д-р. Ангелчо Андоновски, директор на Институтот за бедлодробни заболувања кај децата „Козле“ и член на Комисијата за заразни болести.