ФАКТОР НА ДЕНОТ: Пламнаа пожари во светиниколско, изгореа куќи, а во кумановско Кокошиње настрада маж

Добивај вести на Viber

СТРАШНИ ПОЖАРИ ВО СВЕТИНИКОЛСКО, ЖРТВА ВО КУМАНОВСКО

Голем пожар попладнево изби во светиниколското село Немањици.

Надлежните вршат евакуација на граѓаните, а според информациите од Центарот за управување со кризи(ЦУК), тие не сакале да ги напуштат куќите. На терен е и полицијата. Во 12 села има пожари. Во кумановско почина човек од Кокошиње откако се задушил од чад. 

РЕАКЦИИ ЗА БАРАЊЕТО ЗА АЛБАНСКА АКАДЕМИЈА

Бурни реакции има по барањето на Вреди за основање на Албанска академија на науките. 

Од Македонската академија на науките и уметностите(МАНУ) излегоа сo официјален став за формирањето на Албанската академија. Велат дека Академијата отсекогаш била отворена за сите граѓани кои ги исполнуваат високите научни и уметнички критериуми за членство во неа, независно од етничката, верската и каква било друга припадност. За политичките партии и нивните влијанија никогаш немало место во неа. 

Ставот на ВМРО-ДПМНЕ е јасен, ние ја имаме Македонската академија на науките и уметностите, во чии рамки се собрани научниците од различна етничка припадност и треба да работиме во насока на збогатување на научната мисла, тоа е иднината, изјави денеска премиерот Христијан Мицкоски одговарајќи на новинарско прашање во врска со иницијативата на „Вреди“ за формирање албанска академија. 

ПАРНОТО ПОЕВТИНУВА

Парното кое го плаќаат Скопјани за загревање на нивните домови од први август ќе биде поевтино. Сепак, дали цената на парно греењето ќе се намали значајно, или сосема малку, зависи од државата, поточно од тоа дали ќе продолжи државното субвенционирање или не. 

- Доколку продолжат субвенциите, за околу 60.000 корисници, намалувањето ќе биде 17 отсто, а доколку прекине субвенционирањето тогаш граѓаните ќе плаќаат за 3,16 отсто пониски сметки за парно. 

ПОДНЕСЕНА Е КРИВИЧНА ПРИЈАВА ПРОТИВ БЕКТЕШИ

Поранешниот министер за економија, Крешник Бектеши добил кривична пријава од полицијата од СВР Охрид поради „попречување на правдата“. 

Настанот како што објави телевизија „Телма“ е пријавен во билтенот на СВР Охрид на 25 овој месец, иако се случил на 7 мај годинава, но во него не е посочено дека пријавата е наменета за владин функцинер. 

ЧИТАЈТЕ УШТЕ

Откако имаше повеќе случаи каде работници од Непал избегаа од земјава, ги прашавме Непалците која е платата за која се нафаќаат да работат во странство, на што одговараат дека се спремни да работат напорно, но очекуваат месечно да заработат над 1.000 или 1.500 евра.

УНИ Банка за шест месеци исплати 4 милиони евра на вработените што значи дека во нивната лојалност вложи половина милион евра повеќе од истиот период лани. Банката ја зајакнува својата пазарна позиција ги зголеми нето приходите од камати, а добивката за половина година е 2,55 милиони евра