ФАКТОР НА ДЕНОТ: По кинеската Нова година можеме да ги очекуваме вакцините, денес има 367 заразени

Добивај вести на Viber

ПО 18 ФЕВРУАРИ ТРЕБА ДА СТИГНАТ КИНЕСКИТЕ ВАКЦИНИ

Да помине кинеската Нова година на 18 февруари и ќе тргнат вакцините, вели премиерот Зоран Заев. 

Вели дека 200-те илјади вакцини од кинексата „Синофарм“ ќе стигнат во Македонија по завршувањето на кинеската Нова година.

„До крајот на месецов вакцината ќе стигне во земјава. За вакцините од „Фајзер“ кои требаше да ги добиеме од пријателска Србија, најпрво проблем се појави бидејќи производителот не дозволуваше да се препродаваат. Потоа договоривме да ни ја дадат како донација, вредноста е некаде околу 60.000 евра, ние после ќе се раздолжевме некако, но и тоа не беше дозволено. Работиме да се реши овој проблем, вратиме кај производителот сите,  јас, премиерката Ана Брнабиќ и претседателот Александар Вучиќ. Во прашање се денови или часови за да ја добиеме дозволата“, изјави Заев 

ДЕНЕС ИМА 367 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје, дека во последните 24 часа се направени 2.596 тестирања, а регистрирани се 367 нови случаи на ковид-19 во:

Скопје – 167, Прилеп – 37, Кавадарци – 33, Охрид – 17, Велес – 15, Куманово и Тетово - по 14, Гостивар и Неготино - по 12, Штип и Гевгелија - по 7, Битола – 6, Струга и Кратово по - 4, Струмица и Ресен – по 3, Кочани, Делчево, Пробиштип и Крушево – по 2, Кичево, Крива Паланка, Берово и Валандово – по 1.

Регистрирани се 202 оздравени пациенти од:

Скопје – 105, Куманово - 18, Кавадарци – 14, Тетово – 11, Штип – 8, Неготино – 7, Гевгелија -6, Велес и Кочани - по 5, Гостивар, Крива Паланка и Демир Капија - по 4, Струмица и Ресен - по 3, Кичево и Демир Хисар - по 1.

АПЕЛАЦИЈА ГИ НАМАЛИ КАЗНИТЕ ЗА 27 АПРИЛ

Апелација ги намали за една до две години затворските казни на осудените за „27 април“. 

Aпелациониот суд ја потврди и ослободителната пресуда за оперскиот пејач Игор Дурловски и покрај тоа што обвинителството се жалеше. Преиначена е пресудата на Митко Чавков кој наместо првичните 18 ќе одлежи 16 години в затвор. Влатко Трајковски и Никола Митревски – Кољо се осудуваат на казна затвор во траење од по 14 години, а првостепено беа осудени на по 15 години.

БЕСА АДЕМИ ИЗБРАНА ЗА ПРЕТСЕДАТЕЛ НА ВРХОВНИОТ СУД

Беса Адеми, судијка во Врховен суд со 12 гласа „за“ и 1 „против“ од мнозинството судии во Судскиот совет е избрана за претседателка на судот. Ги доби и гласовите на етничките заедници во сооднос 4:1.

Ова го јави ТВ 24.

ПОВЕЌЕ ОД 9.000 МАКЕДОНЦИ ЛАНИ ЗЕМАЛЕ БУГАРСКИ ПАСОШ

Повеќе од 9.000 Македонци лани земале бугарски пасоши. 

Дури половина од новостекнатите бугарски државјани во 2020-та, биле Македонци. Според бугарската агенција „Монитор“, лани се издадени 18.226 нови државјанства, од кои 9.098 се одобрени на граѓани од Македонија.

ЧИТАЈТЕ УШТЕ

Владата повторно вложи во државната компанија Национални енергетски ресури (НЕР). Овој пат 162.000 евра преку осмата емисија на акции кои целосно ги купи како единствен акционер во фирмата која го стопанисува националниот гасовод. 

Уште непочнати партиските процедури за избор на кандидати за градоначалници за претстојните локални избори што ќе се одржат наесен, премиерот и лидер на владејачката СДСМ реши на јавна сцена да им даде лична поддршка на неколку актуелни градски татковци, кои, како што рече, им служеле добро на граѓаните.

Еден час откако босанските медиуми соопштија дека е откажана посетата на министерот за надворешни работи на Македонија Бујар Османи во Сараево, од македонското МНР велат дека немаат никакви информации за одложувањето. Портпаролот Бекри Ајдини за Фактор вели дека не може ништо да потврди и дека ќе прати официјално соопштение.

Лидерот на Македонски концепт, Петар Богојески, искористил свои лични контакти, па во моментов на Македонија и се достапни 5 милиони вакцини од вакцината на компанијата АстраЗенека. Во изјава за Фактор вели дека директните преговори со луѓето кои работат на снабдување на државите со вакцините против Ковид-19 траеле речиси еден месец, но понатаму е сè оставено на македонските власти и како што вели нивна работа е што ќе одлучат.