ФАКТОР НА ДЕНОТ: Се одбележува 8-ми Март, жените излегоа на марш

Добивај вести на Viber

МАРШ ЗА ЖЕНСКИ ПРАВА

Во Скопје се одржа марш за женски права по повод 8-ми Март, Меѓународниот ден на жената. 

„Не сакаме тава, сакаме права“, „Денеска марш, утре штрајк“, „Држава што не постапува е држава што убива“ – ова се дел од пораките кои беа испратени на денешниот марш. 

На маршот, кој започна од плоштадот „Филип Втори“ во Скопје, беа побарани заштита, сигурност, социјална и здравствена правда, како и економска сигурност за жените.

СПАСОВСКИ ГИ КАЖА МОЖНИТЕ МОТИВИ ЗА ДВОЈНОТО УБИСТВО

Министерот за внатрешни работи Оливер Спасовски по убиството на наркобосот Јетон Кривањева и Енес Исени, кои беа егзекутирани пред два дена во Старата скопска чаршија во угостителски објект, рече дека најверојатен мотив за нападот е мешсебна пресметка помеѓу криминалните банди.

Наркобосот Јетон Кривањева, кој заедно со Енес Исени беа егзекутирани пред два дена во Старата скопска чаршија, бил чест гостин и се однесувал пристојно во клубот „Шиша бар“ каде што беше убиен од неколкумина маскирани напаѓачи, велат посетителите на ова место за Телевизија 24 кои при тоа побарале да останат анонимни.

ГРУБИ СЕ СКАРА СО НОВИНАР

Првиот вицепремиер Артан Груби денеска се скара со новинарот Миомир Серафиновиќ од Телма. 

Тој му посочи дека „забегал“ со одговорот на прашањето, а Груби погрешно го протолкува изразот.

„Нема да ви одговорам додека не се извините. Треба да реагира ЗНМ за ваквото однесување што е многу навредливо и неприфатливо“, рече Груби.

Серафиновиќ потоа се извини и кажа дека тој збор различно се толкува на албански и македонски јазик.

ЧИТАЈТЕ УШТЕ

Во Македонија во многу сфери жените не се рамноправни со мажите. Конкретните податоци укажуваат дека жените каскнаат зад мажите и сме далеку од стандардите во европските земји. 

По мини реконструкцијата на Владата главните напори на премиерот Ковачевски ќе бидат насочени кон отворање на процедурата за уставни измени како дел од прифаќањето на Францускиот предлог.

Наспроти сите контроверзии и сомнежи поврзани со компанијата и изградбата на автопатите по коридорите 8 и 10д, денеска во Владата е закажано потпишувањето на договорот со „Бехтел и Енка“.

Челичниот гигант „Макстил“ минатата година ја завршил со профит од 17,5 милиони евра, стои во Билансот на успех на компанијата кој таа го објави на Македонската берза. Тоа е пораст за цели 27 проценти во однос на претходната 2021 година.

Три дена по ред наставата во училиштата се одвива непречено, учениците и наставниот кадар се безбедни, родителите се спокојни. Дали има дојави за подметнати експлозивни направи во основните и во средните училишта, но и во останатите објекти во земјава, јавноста нема да биде информирана согласно новите протоколи кои ги воведе Министерството за внатрешни работи, освен во случај заканата да е реална. 

фото Вангел Тануровски