ФАКТОР НА ДЕНОТ: Стигна и втората пратка вакцини од Србија, денес има 725 заразени со коронавирус

Добивај вести на Viber

СТИГА И ВТОРАТА ПРАТКА ВАКЦИНИ ОД СРБИЈА

На граничниот премин Табановце пристигна и втората пратка од донацијата на вакцините од компанијата Фајзер, од соседна Србија. Министерот за здравство, Венко Филипче лично го пречека неговиот колега, Златибор Лончар, кој му ги предаде вакцините.

Министрите оттаму порачаа дека и покрај вакцинирањето на населението, се уште не треба да се опуштаат граѓаните бидејќи бројот на новозаразени расте. Министерот Лончар сподели и нивни искуства од процесот на вакцинацијата во Србија каде досега се вакцинирани повеќе од милион граѓани

-Ги следиме несаканите дејства, но тоа се вообичаените нус ефекти кои се јавуваат и кај другите вакцини. Обично станува збор за црвенило на местото на убодот, блага болка во таа рака, евентуално малку повишена температура, малаксаност, но немаме некои посериозни несакани дејства. Ние и понатаму ќе правиме анализи, тоа е и наша обврска, сега ни е најважно да набавиме што поеќе вакцини и да вакцинираме што повеќе луѓе. Инаку сите вакцини се поддекнаво безбедни, единствената разлика межу нив е тоа што некои создаваат побрзо антитела, некои малку подоцна, но според контролата на нашата Агенција за лекови сите се ефикасни и безбедни. Целта ни е да вакцинираме повеќе од 2 и пол милиони луѓе, досега вакциниравме повеќе од милион и ревакциниравме, но посебно би сакал да истакнам дека кога ќе се прими првата доза не смее да има опуштање. Нас ни се случува луѓето да ја примат првата доза и веднаш да ги фрлат маските. И секако имаме случаи кои се заразуваат веднаш по примањето на првата доза, порача српскиот министер за здравство, Лончар.

ДЕНЕС ИМА 725 ЗАРАЗЕНИ СО КОВИД -19

Министерството за здравство информира согласно податоците од Институтот за јавно здравје во последните 24 часа се направени 3.342 тестирања, а регистрирани се 725 нови случаи на ковид-19 во:

Скопје – 274, Прилеп – 79, Кавадарци – 55, Тетово – 39, Куманово – 34, Охрид – 29, Гевгелија – 26, Неготино – 25, Велес -24, Штип -20, Гостивар -18,  Битола -16, Струмица – 13, Кочани – 12,  Струга и Крива Паланка  – по 11, Богданци – 6, Крушево – 5, Ресен – 4, Свети Николе, Делчево, Пробиштип, Виница, Валандово, Кратово и Демир Капија – по 3, Кичево – 2, Берово – 1.

Регистрирани се 215 оздравени пациенти од:

Скопје – 125 , Прилеп – 19, Кавадарци – 13, Струмица – 9, Велес – 6, Битола – 5, Тетово, Куманово и Неготино – по 4, Гевгелија, Делчево, Демир Капија, Кичево и Радовиш – по 3, Гостивар, Ресен, Пробиштип и Демир Хисар – по 2, Кочани, Крива Паланка и Виница - по 1. 

НЕ Е ИСКЛУЧЕНО ДА СЕ ВОВЕДАТ ДОПОЛНИТЕЛНИ МЕРКИ

Moжни се нови мерки затоа што британскиот сој на коронавирусот се шири. За оваа опција зборуваше денеска министерот за здравство, Венко Филипче. 

„Британскиот сој на вирусот се шири и поради тоа не е исклучена можноста на некаква форма на дополнителни мерки, на локално ниво или на територија на цела држава. Засега немаме индиции дека такви мерки треба да препорачаме, но ќе направиме дополнителни анализи“, изјави тој. 

ДВАЈЦА ГРАДОНАЧАЛНИЦИ СЕ ЗАРАЗЕНИ СО КОРОНАВИРУСОТ

И градоначалникот на Прилеп, Илија Јованоски е заразен со коронавирус. 

Тој синоќа го добил позитивниот тест и е во домашна изолација.

„Засега се чувствувам добро. Имам само повисока температура и болки во мускулите и чувствувам изнемоштеност“, изјави Јовановски во телефонски разговор за МИА.

Тој вели дека се посомневал дека може да е инфициран по покачената телесна температура.

„Имав температура од 37,2. Се посомневав на симптоми, иако немав загубен вкус и мирис. Тестот покажа дека сум позитивен, најверојатно вирусот сум го добил по контакт со позитивен зашто изминатите денови имавме некои состаноци. Сега температурата е 37,6, немам некои проблеми, примам терапија и сум дома“, вели Јованоски.

И градоначалникот на Општина Центар, Саша Богдановиќ е позитивен на коронавирусот. 

ДАЛИ МИЈАЛКОВ НАВИСТИНА БИЛ ВО ИЗОЛАЦИЈА?

Министерот за здравство Венко Филипче изјави дека Министерството за здравство нема информации дали екс шефот на тајната полиција Сашо Мијалков контактира со епидемиолози околу неговата здравствена состојба, односно дали е евентуално позитивен на короновирусот.

УГОСТИТЕЛИТЕ ПРОТЕСТИРАА ПРЕД ВЛАДАТА

Угостителите, предводени од сопствениците на рестораните за свадби, денеска го преселија протестот пред Владата. На булеварот беа поставени маси, столици и декорации за свадби. 

На една од масите со организаторите на протестите седеше вицепремиерот за економски прашања Фатмир Битиќи.

ЧИТАЈТЕ УШТЕ

Во зградата на Министерството за политички систем и односи на заедниците, инаку предводено од првиот вицепремиер Артан Груби, се вселија уште четири институции, од кои повеќето се формирани на иницијатива на ДУИ во изминатиот период. Владата со одлука на седница им додели нешто помалку од 1.000 метри квадратни во новата зграда која порано беше на АДСДП.

Владата ги објави мерките од петтиот пакет со кој очекува да ја забрза економската активност и да продолжи заздравувањето на домашната економија. Дел од пакетот е и поддршката за исплата на плати која стопанството ја очекуваше, а законското решение веќе е готово. 

Евидентно расте бројот на новозаразените со корона вирусот, а во текот на викендот и министерот за здравство Венко Филипче потврди дека причина за зголемувањето на новите случаи е токму новата мутација, односно британскиот сој кој многу полесно се шири. Најголем број од новите случаи се регистрирани во Охрид, Прилеп и во Кавадарци.

Мега хидроцентралата „Чебрен“ не е наш енергетски приоритет туку врв на нашeто лицемерие, неспособност и страшната лукративност кои траат речиси две децении! „Чебрен“ е нашиот национален енергетски срам! 

Се вработувале лица без да бидат предвидени во планот и без за нив да се обезбеди согласност од Министерството за финансии, а имало и вработувања кои се спротивни на законите, без позитивно мислење од Министерството за информатичко општество и администрација, нетранспарентни и кои одредени вработени ставале во подредена положба.