ФАКТОР НА ДЕНОТ: Угостителите протестираат, бараат помош од државата, но и протокол за свадби

Добивај вести на Viber

УГОСТИТЕЛИТЕ ИСПОРАЧАА БАРАЊА ДО ВЛАСТА

Владата да направи посебен пакет мерки за нив, бараат угостителите кои денеска излегоа на протест. 

Објаснуваат дека се 100 отсто погодени од пандемијата на коронавирусот. Велат  дека тие се единствени субјекти кои имаат забрана за вршење дејност. 

„Премиерот Заев презентирајќи го петтиот пакет мерки, во мерката број 8 презентираше помош од 1.3 милиони евра за транспортните компании за патници кои имаат пад од минимум 50 отсто. Како што кажа, го парафразирам ‘државата директно ја ограничи со мерки нивната дејност и работење’. Па, зарем ситуацијата кај нас е поинаква? Ние немаме ограничувања во дејноста, кај нас е и полошо, ние имаме забрана за вршење на нашата примарна дејност за која сме ги отвориле објектите и доколку работиме кривично одговараме“, рече угостителот Перица Голомеиќ.

Нема простор за eтнички лични карти во ЕУ. 

Евроамбасадорот Дејвид Гир денес на прес-конференција во Владата изјави дека регулативата на ЕУ забранува процесуирање на лични податоци за етнички, политички и други верувања во личните документи. Таквата практика, како што рече е дел од европска регулатива. Додаде дека е добро што Македонија работи на тоа да ги прилагоди своите стандарди со тие на Унијата затоа што кога ќе почнат преговорите, овие прашања се првите што ќе се дискутираат.

„Генералната регулатива на ЕУ за заштита на личните податоци забранува процесуирање на лични податоци кои откриваат расно, политичко, етничко, религиско и друго уверување, како и сексуална ориентација и одреден број други прашања. Личните карти во ЕУ сѐ уште се под националните закони, но регулативата што ја споменав и која ги содржи првите правила за личните карти влегува во примена во август оваа година“, рече Гир.

JAНКУЛОСКА ВЕЛИ ДЕКА БИЛА ЕДНА ОД НАЈПРИСЛУШКУВАНИТЕ

Поранешната министерка за внатрешни работи Гордана Јанкулоска во завршните зборови на одбраната за случајот „Таргет-Тврдина“ рече дека неможело свесно да го дозволи тоа што го тврдат обвинителите дека свесно го одбрила делувањето на  поранешниот началник на петтата управа во УБК Горан Грујевски и на поранешниот шеф на кабинетот на Сашо Мијалков, Тони Јакимовски, кога како што вели, и самата таа била една од најприслушкуваните.

ДЕНЕС ИМА 415 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје во последните 24 часа се направени 2.549 тестирања, а регистрирани се 415 нови случаи на ковид-19 во: Скопје – 170, Прилеп – 62, Кавадарци -  32, Велес – 25, Неготино – 20, Охрид – 12, Струмица – 11, Гевгелија – 10, Куманово, Тетово и Штип – по 8, Богданци – 7, Струга – 6, Крива Паланка – 5, Кратово, Демир Капија, Кочани и Крушево – по 4, Гостивар и Кичево – по 3, Битола, Делчево и Валандово – по 2, Виница, Дебар и Демир Хисар – по 1.

ЧИТАЈТЕ УШТЕ

Имало ли самоволие на инвеститорот и пропусти кај надлежните органи кои издавале дозволи за градба на мала хидроцентрала над кочанското езеро „Градче“? Како може Советот на Општина Кочани да нема никакви информации и по три години да дознае дека треба да даде дозвола за градба на мала хидроцентрала? 

Министерството за здравство изминатите денови исплатило 399.427.860 денари за набавка на вакцините против Ковид-19, сума колку што минатата година ја најави премиерот Зоран Заев, за околу 800.000 дози од Ковакс-системот.

Кога пред три месеци дојде на челната позиција на Пошта, затекна загуба од близу два милиони евра, но и околу 2.000 вработени. Короната и пропаста на Еуростандард банка му зададоа дополнителен удар на ова акционерско друштво во државна сопственост, кое и онака се бореше со наталожените загуби, нискиот квалитет на услугите и незадоволство на клиентите.

Поддршката на граѓаните за влез во Европската Унија, како и довербата според последните истражувања се намалува. Ако во 2014 година дури 80% од граѓаните се изјасниле дека ако се одржи референдум за влез во ЕУ ќе го поддржат, во последната анкета на Фондацијата Конрад Аденауер и Институтот за демократија „Социетас Цивилис” оваа бројка иако и натаму е доста висока, сепак изнесува само 69%, со мало подобрување од 2019 година кога довербата била најниска со 65%.

Коморскиот инвестициски форум, како асоцијација на шесте комори од регионот на Западен Балкан, од кој е дел и Стопанската комора на Македонија, се обрати до германската Влада, со апел што побргу да се надминат застоите на германските гранични премини и да се гарантира непречен проток на стоки.

ИутеКредит Европа, водечка групација за лични финансии ги објавува неревидираните резултати за декември 2020 година.