ФАКТОР НА ДЕНОТ: Вакцините од Србија не стигнаа, ќе почекаме неколку дена

Добивај вести на Viber

СЕ ОДЛОЖИ ПРИСТИГНУВАЊЕТО НА ВАКЦИНИТЕ ОД СРБИЈА

Најавената донација од Србија на 8.000 дози од производителот Фајзер/БионТек, која денеска требаше да пристигне во Македонија е одложена за наредните денови. Во кусото соопштение од Владата се наведува:

-Ве известуваме дека заради потребата од усогласување на техничка документација околу доставувањето на вакцините, настанот кој беше најавен за утре, 11.02.2021 година (четврток), на граничниот премин Табановце се одложува за друг датум следните денови, за што дополнително ќе информираме, соопштуваат оттаму..

ЗА ЕДЕН ДЕН НАД 25.000 ГРАЃАНИ СЕ ПРИЈАВИЛЕ ЗА ВАКЦИНАЦИЈА

Министерството за здравство информира дека досега 25.401 илјади граѓани ја имаат пополнето апликацијата на веб-страницата „Vakcinacija.mk“ за искажување заинтересираност за вакцинација против КОВИД-19.Оваа веб-страница, вчера беше пуштена во употреба и преку неа граѓаните може да се пријават дека сакаат да се вакцинираат.

Секој граѓанин кој ја пополнува формата за аплицирање, се регистрира во електронскиот систем „Мој Термин“, а матичниот лекар ќе може да го види податокот за пациентот.

КРЕАТОРОТ НА VАKSAJNS.MK ПОВИКАН ВО ПОЛИЦИЈА

Mи изгледа многу опасно кога вакви сатирични случаи се спроведуваат од органите на власта многу побрзо од оние што се навистина сериозни, напиша на Фејсбук, креаторот на сатиричната веб страница „Vaksajns.mk“, Адил Бакиу. 

Граѓаните од синоќа збунети побарале одговори во Министерството за здравство во однос на тоа на која страница може да се регистрираат, односно да искажат интерес за претстојната вакцинација против Ковид-19, откако се појави креиран сајт: vaksajns.mk

ДЕНЕС ИМА 416 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје во последните 24 часа се направени 2705 тестирања, а регистрирани се 416 нови случаи на ковид-19 во:

Скопје – 186, Прилеп – 37, Кавадарци – 29, Охрид – 23, Велес и Струга – по 16, Тетово – 13, Куманово – 12, Битола – 11, Струмица – 10, Гостивар и Штип – по 8, Кочани – 7, Гевгелија, Неготино и Крива Паланка – по 5, Радовиш и Делчево – по 4, Свети Николе и Берово – по 3, Кичево, Ресен и Дојран – по 2, Пробиштип, Валандово, Кратово, Богданци и Крушево – по 1.

Регистрирани се 278 оздравени пациенти од:

Скопје – 143, Охрид – 20, Кавадарци – 16, Велес и Тетово – по 14, Куманово – 12, Прилеп и Штип – по 7, Струга – 6, Битола и Струмица – по 5, Кичево – 4, Гостивар, Кочани, Неготино и Пробиштип – по 3, Гевгелија, Радовиш, Кратово, Крушево и Демир Капија – по 2, Крива Паланка, Свети Николе и Ресен – по 1. 

КАРАКАЧАНОВ СО ПРОВОКАЦИИ КОН МАКЕДОНИЈА

Бугарскиот вицепремиер како да се подбива со македонските граѓани, коментира јавноста по последните изјави на Красимир Каракачанов.

Каракачанов кој нема “влакна на јазикот“ за бТВ рекол дека Бугарија не ги принудува Македонските граѓани да си го сменат идентитетот, обвинувајќи за тоа дека Скопје ги искривува фактите и за Цар Самоил, кој според бугарскиот политичр бил бугарски владател.

ЧИТАЈТЕ УШТЕ

Песимистички се прогнозите за оваа туристичка сезона и најверојатно нема да има работа за туристичките водичи, поради што голем дел од нив си бараат или веќе нашле работа во друга бранша.

Во очекување на локалните избори кои ќе се одржат наесен, општините постојано вработуваат нови кадри. Агенцијата за администрација речиси секој ден е полна со огласи за вработување во одделни општини, некаде по еден, а некаде и по неколку извршители.

Ппоследна огласот за вработување на локални службеници го објави општина Киела Вода, која денеска преку Агенцијата за администрација побара двајца нови службеници.