ФАКТОР НА ДЕНОТ: Во Македонија за 24 часа нови 175 заразени, најголем дел од Скопје

ДАТУМОТ ЗА ИЗБОРИ НЕИЗВЕСЕН

Претседателот на државата, Стево Пендаровски утре ќе информира дали ќе има ново продолжување на вонредната состојба. 

Од утрешната одлука зависи и датумот за одржување на престојните предвремени парламентарни избори.

Министерот за здравство, Венко Филипче вели дека не е потребно продолжување на вонредната состојба.

Избори на 5 јули нема да има, дециден е генералниот секретар на ВМРО-ДПМНЕ, Игор Јанушев, кој вечерва гостуваше во отвореното студиот на ТВ 24.

Тој повторно ги обвини СДСМ и Зоран Заев дека брзаат за да се спасат.

„СДСМ иако лицитира со датуми, сепак сè уште не е време за организирање на избори. Одење на избори при ваква здравствена ситуација укажува на несериозност и негрижа. Ние како сериозна партија тоа не смееме да го дозволиме. 5 јули е датумот кој СДСМ го објавува во јавноста, но можам децидно да кажам дека тогаш избори нема да има“,

рече Јанушев.

ОД УТРЕ ГРАЃАНИТЕ ЌЕ ДОБИЈАТ ДОМАШНА ПЛАТЕЖНА КАРТИЧКА

Утре ќе бидат префрлени 28-те милиони евра средства за домашните платежни картички кон банките, а веќе од утре и се очекува да се издадат првите домашни платежни картички. Ова го најави министерката за финансии Нина Ангеловска во гостување за „Само вистина“ и посочи дека банките веќе по смс ги информираат граѓаните чии картички се изработени.

Утре ќе бидат исплатени 28 милиони евра средства до деветте банки за мерката домашна платежна картичка.

ЧИТАЈТЕ УШТЕ

Пандемијата донесе многу негативни и малку позитивни работи во животот на луѓето, и новата нормалност ќе го смени начинот на живот.

Работодавачите на своја одговорност ги издаваат дозволите за движење за време на досегашните карантини и до сега практично никој надлежен државен авторитет не водел евиденција за тоа колку и кому му ги издавале ваквите „пропусница“ за време на посебниот режим. 

Трудницата која во понеделникот се породи во Ремедика, освен што дала лажни податоци во епидемиолошката анкета претходно на ГАК, лажно и се претставила дека е лекарка.

Хотелиерите веќе ги изготвиле предлозите за тоа како би изгледале протоколите за нивното работење, со цел овие капацитети да можат да почнат да функционираат. Според информациите, овие предлози се слични со оние протоколи кои се усвоени за работење на хотелите во државите од нашето соседство.

Сопствениците на фитнес сали, теретани, базени бараат што побрзо отворање на овие објекти поради тоа што нивната дејност е доста погодена од затворањето.