ФАКТОР НА ДЕНОТ: За 24 часа 125 заразени, а инфициран е и советник на Чулев

Добивај вести на Viber

НОВИ 125 ЗАРАЗЕНИ СО КОРОНАВИРУСОТ ВО МАКЕДОНИЈА

Во последните 24 часа се регистирани 125 нови случаи на заразени со Ковид 19, од вкупно 1019 направени тестови. Во последното деноноќие, пак, починаа дури седум пациенти. Најголемиот број на заразени се во Скопје, 89, следува Тетово со 11 новозаразени, во Охрид има 8, во Куманово 4, во Штип, Прилеп и во Струмица по двајца, и по еден новозаразен во Велес, Гостивар, Кичево и во Ресен.

-На Клиниката за инфективни болести и фебрилни состојби почина пациент од Скопје (79г) на клиниката од 19 мај, пациентка од Струга (66г) хоспитализирана на 8 јуни, пациентка од Скопје (54г) примена на 5 јуни и уште една пациентка од Тетово (46г) која починала при прием во амбулантата. Во ГОБ „8 септември“ почина пациентка од Скопје (77г.) примена на 8 јуни и пациентка од Струга (73г.) примена на 7 јуни. Во болницата во Штип почина пациент на возраст од 87 години, хоспитализиран на 26 мај.

Mинистерот за внатрешни работи, Наќе Чулев денеска соопшти дека негов советник е позитивен на Ковид -19.

Од МВР информираат дека советникот не се заразил додека извршувал работни задачи, односно додека бил на работното место.

На работа лицето последен пат било на втори јуни, а тестот му е направен на 6 јуни. Со Чулев последен пат се виделе на 24 мај. 

ПРОВЕРЕТЕ ДАЛИ ВИ СЛЕДУВА ДОМАШНА ПЛАТЕЖНА КАРТИЧКА

Домашните платежни картички ќе задоцнат - наместо да ги издадат на 3 јули, банките ќе имаат рок да ги направат до 18 јули. Пролонгирањето на рокот е на барање на банкарите кои имале потреба од дополнително време за да ги издадат картичките. На вчерашната владина седница сменета е и Уредбата за помош на граѓаните со издавање на картичките а со измените сменет е рокот за издавањето. 

Банкарите за Фактор велат дека се подготвени во тој период да ги направат сите потребни работи за картичките. Како што веќе информиравме државата се уште нема конечна листа со луѓе кои ги исполнуваат условите и коуи треба да ја добијат картичката. 

КОГА ЌЕ ИМАМЕ ИЗБОРИ?

Се возобновиле меѓупартиските разговори за одржување на изборите. 

Се бара компромис меѓу политичките опоненти за соодветен датум за одржување на предвремените парламентарни избори, се дознава од упатени извори.

Според сознанијата, всушност се бара компромис меѓу партиите за термините меѓу 5 и 19 јули, во кој би можело да се реализира изборното соочување. 

ЧИТАЈТЕ УШТЕ

Голем број македонски граѓани кои останале без работа во периодот пред пандемијата, сега поради кризата, не можат да најдат нова работа затоа што повеќето фирми отпуштаат работници. 

Доколку сте купиле акции на крајот од минатата година, теоретски вредноста на истите по првите четири месеци од 2020 ќе биде зголемена само во фармацевтската индустрија. 

Прашањето за отворање на градинките е се уште горка тема за родителите кои мора да одат на работа, а нема каде да ги остават децата во текот на денот.

И покрај кризата една од најтешките досега, инвеститорите на  ВФП Фонд Менаџмент не повлекувале од своите средства, напротив, дополнително ги зголемувале уплатите во фондот.

Хотелиерите, угостителите и претствници на туристичките агенции вчера седнаа на заедничка маса со министерот за економија, Крешник Бектеши. Овие сектори кои беа најпогодени од корона кризата имаат голем број барања, кои ќе мора да се разрешат.