„Фета” отсега може да се нарекува само грчкото сирење

Добивај вести на Viber

Грција успеа да ја добие битката за името на светски познатото сирење "Фета" на глобално ниво, благодарение на сложените активности на премиерот Андонис Самарас, кој ова прашање го изнесе на највисоко политичко ниво заедно со грчкиот еврокомесар Марија Даманаки, соопштува весникот Навтемборики. Спорот го засегнуваше договорот меѓу ЕУ и Канада за зона на слободна трговија, договор во кој првично и се дозволуваше на канадската индустрија да го користи името „Фета“ за сирењата од сличен вид. Отсега во Европската унија „Фета“ може да се нарекува само грчкото сирење. Од канцеларијата на Даманаки соопштија дека е постигнат договор според кој канадските компании ќе можат да го користат имиња од типот „во стил на Фета“, „слично на фета“, „тип фета“, заедно со наведување на географската локација на неговото производство. Оваа одредба ќе се однесува и други познати европски сирења и кашкавалите, азиаго, фонтина и горгонзола.