Фич: Намален е кредитниот рејтинг на најголемите словенечки банки
Објавено во: Балкан 06 Април, 2013
Aгенцијата „Фич“ го намали кредитниот рејтинг на пет словенечки банки, меѓу кои и НЛБ и НКБМ, при што како причина го посочува бавното решавање на проблемите во банкарскиот сектор.
Рејтингот на најголемите словенечки банки НЛБ и Нова КБМ е намален за три степени (од ВВВ- на ВВ-), Банката Цеље, филијала на НЛБ (на В), Горењска банка (на В-) и Пробанка (на СС), со што кредитните оценки на најголемите словенечки кредитори се намалени на неинвестициско ниво.
„Фич“ го потврди кредитниот рејтинг на две банки - Вип Абанка и Банката на Копар (В-).
Агенцијата проценува дека само за докапитализација на НЛБ и НКБМ се потребни 1,6 милијарди евра или 4,5 отсто од словенечкиот бруто домашен производ. Дополнителни 400 милиони евра се потребни за докапитализација на третата по големина банка во Словенија - Вип Абанка.