ФИЧ: Намален кредитниот рејтинг на Хрватска

Добивај вести на Viber

Меѓународната агенција за рејтинг „Fitch“  намали изгледите за состојбата на Хрватска до "негативна" од "стабилна ", а ова го образложи со предлог-буџетот на земјата за 2013 година, во кој се предлага зголемување на државниот долг, што е против нејзините буџетски цели, соопшти „MarketWatch“. Пред само 3 месеци, во септември ФИЧ ги беше зголемил изгледите за рејтингот на оваа држава до "стабилна", повикувајќи се на напредокот и спроведувањето на план за справување со фискалните предизвици. Агенцијата го потврди долгорочниот кредитен рејтинг на земјата на ниво БББ- кој е само еден степен над неинвестициски статус. Истата е ситуацијата со хрватскиот рејтинг и кај преостанатите 2 големи меѓународни рејтинг агенции „Moody's Investors Service“ и „Standard & Poor's“ - еден степен над неинвестициски статус и со негативна перспектива. Иако имаше позитивни знаци, хрватската економија генерално не успева да се врати на растот од пред почетокот на финансиската криза, која започна во 2008 година. Земјата се соочува со закана од намалување на БДП-то оваа година и анемичен раст на среднорочен план, бидејќи слабоста во Италија и нејзините останати клучни пазари за извоз во Европската унија исто така се соочуваат со проблеми и ги намалуваат шансите за раст на Хрватска.