Филипче: Директорката ќе биде разрешена, луѓето со кои контактирала се во изолација

Добивај вести на Viber

Mинистерот за здравство, Венко Филипче попладнево на прес-конференција изјави дека по сместување на докторката заразена со коронавирус на Клиниката за инфективни болести, уште двајца членови од нејзиното семејство се во домашна изолација. 

64 вработени и 11 пациенти кои биле хоспитализирани, и 13 кои биле во дневна болница ќе бидат интервјуирани. 

Во текот на викендот имало и конференција каде имало 103 лица, сите се контактирани, телефонски и дел од нив направиле интервју. И за нив има домашна изолација. 

Меѓу нив имало и тројца луѓе од Грција, за што се известени властите кај јужниот соеед, соопшти Филипче. 

„Ова што се случи денеска навистина многу не разочара“, рече Филипче. 

Рече дека во првата следна можност, по изборите таа ќе биде разрешена. 

Се испитуваат уште осум пациенти во меѓувреме. Еден престојувал во Бугарија со сопругата. Еден патник од Сингапур, четворица кои биле во контакт со хоспитализираните од Дебар и еден од Гевгелија. 

Директорката на Клиниката, д-р Нина Цаца Биљановска, која пред пет дена се вратила од Италија, а во меѓувреме одела на работа, е позитивна за коронавирус.