Финансиска полиција го истражува поранешниот министер за култура Исмаили
Објавено во: Македонија 25 Ноември, 2024
Управата за финансиска полиција поднесе кривична пријава за поранешниот министер за култура Хусни Исмаили за спорна распределба на половина милион евра за проекти.
Финансиската полиција кривичната пријава ја испратиле до тетовското обвинителство за злоупотреба на својата службена положба во период од 2019 до 2020 година, кога потпишал договори за финасирање на проекти, иако за тоа во државната каса немало пари.
„Потпишал решенија и склучил договори со правни и физички лица за финансирање на проекти во вкупен износ од 31.824.000 денари, иако бил свесен дека со извршениот ребаланс на буџетот од страна на Владата на Р.С.Македонија објавен во Службен весник бр.126 од 15.05.2020 година, недостасуваат финансиски средства за веќе преземените тековни обврски во однос на годишните конкурси за финансирање на проекти“, е наведено во соопштението на Финансиската полиција.
За поранешниот министер Исмаили обвинителството отворило предмет уште на 24 август 2021 година, но Финансиската полиција побарала одложување на роковите за да испрати дополнителни докази.
Во телефонска изјава за Телма, поранешниот министер Исмаили негира одговорност и потврди дека својот исказ веќе го дал минатата недела кога бил повикан во финансиската полиција.
-Работите се од порано и нема основа за прогон. Средствата беа планирани, но при исплатата беа блокирани и нема штета за државниот буџет. Можно е да имало исплата на два до три проекти, пред средствата да бидат запрени. Станува збор за пари кои беа планирани за културни активности и доделени на културни работници, но не беа реализирани, ни рече Хусни Исмаили, осомничен и поранешен министер.
На случајот работеше и Антикорупциската комисија која на крајот на 2021-ва година покрена иницијатива за Исмаили затоа што проектите во вредност од околу половина милион евра ги потпишувал после избори и во период кога не смее да се потпишуваат налози за исплата со што противзаконски презел обврски надвор од планираниот буџет.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
За бугарскиот премиер прашањето за уставните измени е веќе затворена работа
Николоски: Диви плажи функционираат во Струга, до кога ќе се толерира Мерко?
Просториите на Адвокатска комора насилно запалени, се бара брзо пронаоѓање на сторителот
Вицепремиерот Фетаи: Државата лани замрзнала сомнителен имот од само 1,8 милиони евра
По контроверзните помилувања, Силјановска Давкова објави нов комисиски состав
Утре ќе бидат претставени шестте еколошки автобуси на ЈСП, донација од ЕУ
„ЗА 176 ПРОЦЕНТИ Е ЗГОЛЕМЕНО НАСИЛСТВОТО ВРЗ ЖЕНИТЕ“: Мојсоска најави - Левица ќе поднесе измена на Кривичниот законик
ПОЧИНА МИТРОПОЛИТОТ ДЕБАРСКО-КИЧЕВСКИ, ГОСПОДИН ТИМОТЕЈ: Бил во болница, заради проблеми со срцето
