16 Мај, 2021
0.0212

Финансиска полиција: Стечајот е лажен, ТЕ-ТО испрал над 100 милиони евра руски пари

Објавено во: Економија 21 Јуни, 2019

Управата за финансиска полиција поднесе кривични пријави до Јавното обвинителство за гонење на организиран криминал за неколкумина менаџери, нотарката и стечајниот во случај поврзан со гасната централа ТЕ-ТО. Пријавите се за сомнеж за лажен стечај, злупотреба на службена положба и овластување но и перење пари во Македонија од трансакции за кои во Русија се водат истраги за криминал. Сомнежите се дека станува збор за испрани над седум милијарди денари или над 100 милиони евра. Случајот кој денеска е облоденот ги потврдува наодите на доверители кои упорно тврдеа дека ТЕ-ТО предизвикал лажен стечај со незаконски дејства. Финансискат аполиција потврди дека на ваков начин на Топлификација и е нанесена штета од над 720 милиони денари.

Даниела Велковска од Управата за финансиска полиција соопшти дека е поднесена кривична пријава против В.М.претседател на УО на ТЕ-ТО кој во текот на 2018 со пречекорување на границите на своето службено овластување без одлука на Управниот одбор, Надзорниот одбор или Акцениорското собрание спортивно на член 31 став 5 од Статутот и повеќе членови од Закон за трговски друштва неовластено склучил анекси на договори за заем, нотарски договори и поднел барање за отворање на стечајна постапка со план за реорганизација на ТЕ-ТО. На таков начин предизвикал несолвентност на фирмата кон доверителите со блокирање на сметката и на движниот и недвижниот имот и отварање на стечајна постапка.

Велковска соопшти дека второпријавената С.Т. во својство на надлежен стечаен судија со неизвршување на својата должност, без да го утврди ограничувањето во Статутот на првопријавениот В.М. донела решение со кое предлогот за отворање стечајна постапка со план за реорганизација се усвојува.

Третпријавената С.С. нотар со неизвршување на својата должност, спротивно на Законот за нотаријат, без да го утврди ограничувањето во Статутот на првопријавениот В.М. нотарски заверила анекси на договори и нотарски договори.

Со горенаведените инкриминирани поведенија, пријавените овозможиле ТЕ-ТО да се стекне со противправна имотна корист преку стечај и неможност да ги плати обврските по правосилна судска пресуда со што и нанеле штета на акционер доверител Топлификација АД од 721.683.587 денари. Заради постоење на основи за сомнение злупотреба на службена положба и лажен стечај, а поради постоење на финансиски транскациии кон ТЕ-ТО во износ 7 милијарди 264 милиони 250 илјади денари кои потекнуваат од кривични равни настани за кои се водат истраги од Руска федерација, а се вложени во изградба на производствен процес за производство на електрична енергија, постои основно сомнение за сторено кривично дело перење пари, изјави Велковска. 


Можеби ќе ве интересира

Инвеститорите во криптовалути треба да бидат подготвени да ги изгубат своите пари

Инвеститорите во криптовалути треба да бидат подготвени да ги изгубат своите пари

ЕДЕН РЕГИОН, ЕДНА ЕКОНОМИЈА

ЕДЕН РЕГИОН, ЕДНА ЕКОНОМИЈА

Бугарите штедат и во време на пандемија

Бугарите штедат и во време на пандемија

Иако е во сенка на златото, цената на среброто забрзано расте

Иако е во сенка на златото, цената на среброто забрзано расте

Хрватска ги отвора вратите за сезонците, можете да заработите до 1.200 евра

Хрватска ги отвора вратите за сезонците, можете да заработите до 1.200 евра

Мизо: Ризици постојат, ќе има зголемување, но тоа ќе биде далеку од онаа состојба во 2019 година

Мизо: Ризици постојат, ќе има зголемување, но тоа ќе биде далеку од онаа состојба во 2019 година

Советникот на Заев, Александар Обрадовиќ, поставен за директор на ЕЛЕМ Трејд

Советникот на Заев, Александар Обрадовиќ, поставен за директор на ЕЛЕМ Трејд

Кој му плати на Туџаров 440.000 евра: Првиот човек на Реплек продава акции од компанијата

Кој му плати на Туџаров 440.000 евра: Првиот човек на Реплек продава акции од компанијата

АНА-МПА: Заев со успешни средби со Хеленик Петролеум, нафтоводот може да се активира на лето

АНА-МПА: Заев со успешни средби со Хеленик Петролеум, нафтоводот може да се активира на лето