15 Декември, 2019
0.0171

ФОКУС НА ДЕНОТ: Нема датум за Македонија, Пендаровски свика лидерска

Објавено во: Македонија 18 Октомври, 2019

Германската канцеларка Ангела Меркел денеска во Брисел изјави дека не успеале да постигнат консензус за пристапување на Северна Македонија во ЕУ, и дека ќе се навратат пак на самитот во Загреб. 

„Ставот на Германија беше дека треба да почнат преговори, но немаше консензус и не донесовме заклучок“, рече таа.

Меркел вели дека сметала дека е подобро да се третираат кандидатурите за членство на Северна Македонија и Албанија заедно, наместо да се дадат пристапни преговори само на Скопје.

Од јануари 2020 година Хрватска го презема претседавањето со ЕУ.

Ни една одлука не е конечна. Остануваме на европскиот пат, тоа ќе продолжи да биде наша стратешка ориентација. Уште посилно да се бориме со криминалот и корупцијата и да ги исполниме реформите. Не е време за апатија, тензии и калкулации, туку да се обединиме околу нашите стратешки цели. Тој потврди дека за таа цел ги повикал лидерите на средба во недела и сите ја прифатиле поканата.

Ова се дел од поентите на шефот на државата, Стево Пендаровски, откако денеска стана јасно дека лидерите на земјите на ЕУ не дадоа датум за почнување преговори со земјава.

„За жал, одлуката на Советот на лидерите на ЕУ не се совпадна со нашите оправдани очекувања. Разбирливо е што кај многу од нас постои голема разочараност. Но, мора трезвено да се соочиме со новата реалност. Оваа одлука не е за вечни времиња, не е конечна. Неспорно е дека ги исполнивме сите предуслови за почеток на преговори. Тоа ни беше кажано уште во јуни, без други забелешки, а се наведе дека одложувањето е заради технички причини“, рече претседателот Пендаровски. 

Тој наведе дека сите информации говорат оти има различни ставови на носечките земји членки на ЕУ за проширувањето.

Целосно ја разбирам вашата фрустрација, зашто вие го направивте вашиот дел, а ние не, им порача на Скопје и Тирана претседателот на Советот на ЕУ, Доналд Туск на денешната прес-конференција по завршувањето на Самитот.

Тој ги замоли двете земји да не се откажуваат. 

„ЕУ е комплексен политички субјект и навистина понекогаш ѝ треба предолго да одлучи, но апсолутно немам сомнеж дека еден ден ќе станете полноправни членки на ЕУ“, рече Туск.

Вели дека Македонија и Албанија не се криви и дека направиле сè што се барало од нив и дека Преспанскиот договор е извонредно достигнување, но, иако големо мнозинство од членките сакале, „неколку земји“ не биле подготвени да дадат датум за преговори.

Претседателот на Франција, Емануел Макрон, во првото обраќање во јавноста откако стави вето за пристапните преговори за Северна Македонија и Албанија со ЕУ, изјави дека полноправното членство на ЕУ не треба повеќе да биде единствената политика кон земјите во соседството на Унијата.

Тој за прв пат јавно ги доведе во прашање европската иднина и перспектива на земјите од Западен Балкан, зацртани во Солун во 2003. година.

„Разговаравме за нашите визии за Европа, а јас не сметам дека проширувањето е единствената политика кон соседството“, изјави Макрон, додавајќи дека ЕУ не функционира каква што е сега.

Во тек се консултации на различни нивоа, брифираат од кабинетот на премиерот Зоран Заев. 

„Одлуките се носат исклучиво согласно највисоките интереси на државата и на граѓаните. Штом има одлуки истите веднаш ќе бидат изнесени пред јавноста. Премиерот оствари комуникација и со премиерите на Германија, Шведска, Бугарија, Словенија, Малта и други европски лидери, вклучително и со еврокомесарот Хан. Од сите европски лидери стигна јасна порака со поддршка државата да продолжи по патот по кој тргна, да продолжи со реформите и интеграциите. Сите оддадоа јасно признание за сите чекори кои ги презеде Северна Македонија и дека земјата и граѓаните се целосно подготвени, но дека неколку земји на ЕУ не се подготвени“, додаваат оттаму. 

Италијанската новинска агенција ANSA претходно јави дека премиерот на Северна Македонија, Зоран Заев, си дал оставка.

Можеби ќе ве интересира

ПИСМО ДО ЧЛЕНОВИТЕ: Заев порачува дека нема скршнување од патот на победата

ПИСМО ДО ЧЛЕНОВИТЕ: Заев порачува дека нема скршнување од патот на победата

Почина тетовецот во чиј стан експлодираше плинска боца

Почина тетовецот во чиј стан експлодираше плинска боца

Никој не реагира на аферите Рекет 2, Вирус, Инсулин, Леонардо, обвинува ВМРО-ДПМНЕ

Никој не реагира на аферите Рекет 2, Вирус, Инсулин, Леонардо, обвинува ВМРО-ДПМНЕ

Какво време да очекуваме од утре?

Какво време да очекуваме од утре?

Борисов бара земјите кои сакаат во ЕУ и НАТО внимателно да ги мерат своите чекори

Борисов бара земјите кои сакаат во ЕУ и НАТО внимателно да ги мерат своите чекори

Тетово и Битола утрово високо загадени

Тетово и Битола утрово високо загадени

Дескоска до Груевски: Вратата на мојот кабинет е отворена, го поканувам да дојде

Дескоска до Груевски: Вратата на мојот кабинет е отворена, го поканувам да дојде

Софија Богоева: Јавните површини може да се унапредат со активно учество на заедницата

Софија Богоева: Јавните површини може да се унапредат со активно учество на заедницата

Мицкоски бара резолуција за јазикот

Мицкоски бара резолуција за јазикот