ФОКУС НА ДЕНОТ: СЈО со демант за „форензичко бришење“ на компјутери-настрада рудар, трагедија во Шабац
Објавено во: Македонија 27 Јули, 2019
Вест која го обележа овој ден е информацијата објавена од страна на „360 степени“ дека специјалната јавна обвинителка во оставка Катица Јанева побарала „форензичко бришење“ на компјутерите во СЈО.
Наредбата од Јанева била дадено усно и, според изворите на „360 Степени“, веќе биле преземени подготвителни активности за да се спроведе а постапката требало да ги опфати сите компјутери во ова обвинителство, информираше „360 Степени“ .
Од СЈО пак демантираат.Од институцијата која произлезе од Пржинскиот договор велат дека Јанева нема дадено таква наредба.
-Специјалниот јавен обвинител нема дадено наредба за било какво уништување на материјали, податоци или доказен материјал во рамките на обвинителството, било истиот да е во пишана или усна форма- соопштија од СЈО.
*Трагична вест пак одекна од Крива Паланка. Рудник загинал при минирање на одрон во рудникот Тораница .
Според МВР повредени се уште две лица, а загинатиот е на 57 годишна возраст со иницијали Б.М.
*Голема трагедија го потресе и српски Шабац.
Кобна сообраќајна несреќа однесе во смрт четири млади животи.