ФОКУС НА ДЕНОТ: ВМРО-ДПМНЕ „пукна бомба“ за Сугарески, а Заев го повика Груевски да се врати

Добивај вести на Viber

Опозициската партија преку прес конференција денеска објави видео снимка, која како што кажа Игор Николов била објавена на Интернет.

Во „бомбата“ како што ја нарекоа од ВМРО ДПМНЕ се слушаат гласовите на Миле Талевски, претседател Општинската организација на СДСМ во Прилеп и Горан Сугаревски, министер за транспорт и врски а снимката според Николов е од состанокот на ново вработените во болницата во Прилеп.

„За време на претседателските избори СДСМ направи злоупотреба со тоа што функционери агитирале гласачи во јавни институции. Наместо за државата, функционерите на СДСМ работат за партијата. Тие директно им кажуваат и им даваат задачи дека сите ново вработени со надомест за работното место, ќе мора да истрчаат за партијата за време на изборите и да гласаат за Пендаровски-обвини Николов.

Премиерот Зоран Заев денеска го повика екс премиерот, Никола Груевски кој доби политички азил во Унгарија,  да се врати во Македонија, затоа што и одлежувањето на казна затвор е помош.

„Мора да дојде. Нека дојде. Треба помош во државата. Помош во државата е и кога ќе си ја реализирате казната. Сѐ е помош. Сите испраќаме порака на одговорност со сѐ, заради тоа можам да испратам навистина двосмислена порака – нека се врати дома“, вели Заев.

Премиерот ја коментираше и средбата на првиот човек на ВМРО-ДПМНЕ, Христијан Мицкоски, со унгарскиот премиер Виктор Орбан. 

„Мислам дека тие се сретнаа како двајца лидери на европски народни партии. Јас верувам дека таа средба може да придонесе за зајакнување на пријателството меѓу Република Северна Македонија и Унгарија“ – истакна Заев.

Фисник Адеми, синот на пратеникот Џеват Адеми, и уште еден негов роднина се погодени од рикошетиран куршум на свадба во Тетово Се јавија гласини на социјалните мрежи дека поранешниот заменик-министер за животна средина бил еден од оние кои прославувале со огнено оружје, но семејството брзо демантираше.