Форд руши рекорди, во Америка со профит, во Европа со загуби
Објавено во: Стил 31 Октомври, 2012
И покрај кризата на американскиот производител на автомобили Форд на пазарите во Евопа, компанијата соопшти дека во третиот квартал остварила рекорден неоданочен профит од 1,6 милијарди долари. Ова според нив се должи на силниот раст на профитот на пазарот во Северна Америка кој ги неутрализираше големите загуби на европскиот пазар.
Форд остварува неоданочен профит веќе 13 квартали по ред, благодарение на големата програма за реорганизација и развојот на асортиманот за пазарот на Северна Америка. Сепак проблем останува европскиот пазар, каде компанијата годинава ќе забележи загуби од 1,5 милијарди долари.
