Фортон истражување: Становите лани поевтинија 11%, што годинава го очекува пазарот на недвижности!?

Добивај вести на Viber

Во втората половина од 2012-та година, градежниот сектор бележи континуиран тренд на раст во делот на изградба на станбен простор, продажба и издавање под наем на канцелариски и малопродажен простор. Фактор интегрално Ви го претставува извештајот на консултантската агенција за недвижности- Фортон.(http://forton.mk/research) 1. Движења на пазарот со станбен простор Во дадениот период, за 19% бележи раст бројот на нови станови пуштени во употреба и продажба, во однос на првата половина на 2012-та. Исто така, раст бележи бројот на станови во изградба за 7.3% споредено со првата половина, од кои 70% се планира да бидат завршени во текот на 2013-та. Во однос на цените на новите станови, просечната цена во Скопје бележи намалување за 11% во споредба со првата половина на 2012. Станбените капацитите во моментот на пуштање во употреба (имотен лист) бележат во просек 31% слободни односно не-продадени станови во втората половина на 2012 година. Најголем дел од новите изградени станови, како и тие во процес на изградба, се концентрирани во општините Аеродром, Центар, и Карпош. Мометалната состоја на понуда и побарувачка доведува до залкучок дека инвеститорите треба да се стремат кон исполнување на очекувањата и критериумите на крајните корисници/купувачи, со цел да ја реализираат продажбата. Примарни фактори за донесување на одлука за купување на станбен простор од страна на крајните потрошувачи се првенствено цената, потоа локацијата па квалитетот на градбата на становите. 2. Движења на пазарот со деловен (канцелариски) простор Слободниот деловен простор од класа А (Бизнис Центри) бележи раст од 5% во споредба со првата половина од 2012-та. Во просек 19% слободен (не-изнајмен или не-продаден) класа А деловен простор се бележи во 2012 година. Исполнетоста на класа Б деловен простор (простор надвор од бизнис центри) остана стабилна во текот на втората половина на 2012-та година. Исто така се бележи и раст на побарувачката на канцелариски простор со поголема површина (м2) и тоа од 340м2 по закупец во првата половина , на 730 м2 во втората половина на 2012. Просечната квадратурата која се бележи во периодот е нетипчна за овој пазар и се должи на движењето на поголеми компании во истиот период и не претставува објективна слика за типичната побарувачка. Во однос на цените, пад на истите се бележи во премиум сегментот од класа А (Бизнис центри) канцелариски простор, и тоа за 20% во однос на 2011 та година. Најактивни во креирањето на побарувачката во дадениот период како и очекувано во периодот кој претстои се компаниите од ИТ секторот.Најголем успех во пополнување односно издавање на простор бележи Синерџи Бизнис Центарот, и тоа од 23% на 78% во текот на 2012та година. 3. Движења на пазарот со деловен малопродажен простор (Трговски центри) Најзабележителен раст бележи малопродажниот сектор, односно со отварањето на Skopje City Mall се зголеми нето површината во м2. Имено, се зголеми слободниот малопрожен простор во постоечките трговски центри и централните пешачките зони (Улица Македонија итн.). Цените за најатрактивниот простор во Скопје се движат околу 40 евра по м2 на месечно ниво, а се однесува за капацитети од 100 до 150 м2, што претставува за 20% повисока закупнина во однос на соседните главни градови како Белград или Софија. Просечната цена за закуп во Скопје на Ул. Македонија е околу 30 евра по м2, но сепак се очекува минимално намалување во наредниот период. Во другите поголеми градови во државата нивото на цените за закуп на слични простории се и до 40% пониски т.е. околу 15 евра по м2 на месечно ниво. Во однос на цените за изнајмување конкретно во шопинг центрите, истите остануваат прилично високи за овој пазар и земајки ја во предвид куповната моќ на потрошувачите се очекува намалување на цените за закуп во наредниот период. Во таа насока, определен број на закупци имаат потешкотии во подмирување на обврските по основ на закупнина, примарно во Skopje City Mall.