(ФОТО) Апасиев час и половина на распит во ОЈО за заканата „Сите ќе ве стреламе“
Објавено во: Македонија 16 Септември, 2020
Димитар Апасиев, оретседателот на новата парламентарна партија Левица, час и половина одговараше на распит кај надлежниот обвинител за фамозната закана „Џабе ни се лижете, сите ќе ве стреламе“ која новиот пратеник ја напиша на Фејсбук по парламентарните избори.
Предметот отворен против Апасиев е за ширење говор на омраза кој се води против актуелниот пратеник. Пред Обвинителството тој во изјава за медиумите рече дека не очекува обвинение за случајот, но и најави кривични пријави против оние кои го пријавиле во ОЈО.
Против Апасиев се поднесени четири кривични пријави и тоа од страна на МВР, Хелсиншкиот комитет за човекови права, Тања Милевска и Мерсиха Смаиловиќ.