(ФОТО) КАКО ДА ГИ ОГРЕАЛО СОНЦЕ: Првите бегалци стигнаа во Виена, дочекани со аплауз!

Добивај вести на Viber

Околу 2300 бегалци стигнаа во Виена, бидејќи повеќето од нив 4500 во текот на ноќта влегле од Унгарија во Австрија.

Изморените бегалци не ги криеле насмевките на лицето кога утрово околу 9 часот стигнале на Западната железничка станица во Виена. Бројни доброволци ги дочекале со аплауз и им врачиле храна, пијалоци и ќебиња.

Колони автобуси не престануваат да доаѓаат до унгарската граница кај австриското место Никелсдорф, потврдил Хелмут Марбан, портпарол на полицијата на австриската покраина Градишче (Burgenland).

Ханата Нова-Рок во Никелсдорф е преполна бидејќи во неа се сместени 500 бегалци, додека уште 400-500 од нив ќе бидат однесени во Парндорф, место недалеку од границата со Унгарија.

[embed width="700" height="450" ]https://twitter.com/AlevKorun/status/640085156288663552/photo/1[/embed]

„Уште околу 100 луѓе овде чекаат на камионското паркиралиште“, рекол утрово Ханс Питер Доскозли, директор на полицијата во Градишче. Рано утрово, пред пет часот, првите 400 8мигранти пеш отишле до железничката станица во Никелсдорф и влегле во возот кон Виена.

Останатите, специјални возови денес и утре ќе ги возат до Салцбург, т.е до австриско-германската граница. Тие преку разглас се информирани (и на арапски јазник) за врските за Германија.

[embed width="700" height="450" ]https://twitter.com/MichaelBonvalot/status/640085690047426560/photo/1[/embed]

Првиот воз во правец на Салцбург од Виена тргнав во девет ипол. Полицијата е забележана на станицата во Виена, но се однесуав резервирано. Бегалците контактирале исклучиво со доброволците од Каритас и други хуманитарни организации. Австриската полиција вели дека бегалците имаат прилично мирно однесување, само со мала паника кога влегуваат во воз.

Еден од нив, Сириецот Мисер, изјавил за австриската агенција АПА дека со своет0 семејство избегал од татковината, и дека во Унгарија поминал пет дена. Пеш и со автобус успеале да стигнат до Австрија. „Овде конечно се чуствувам безбедно“.

(ФОТО: VESTBANHOF KRCAT)