Добивај вести на Viber
Утрината со сеча на дрва во паркот до хотел „Бристол“ почна изградбата на уште една административна зграда во центарот на Скопје, зградата на Советот за радиодифузија.
Дрвјата во малиот парк до хотелот „Бристол“ во центарот на Скопје ноќеска околу 3.30 часот се исечени со полициска асистенција, а полицијата претходно ги отстранила граѓаните што кампувале на тоа место во обид да го одбранат зеленилото.
Работниците на јавното претпријатие „Паркови и зеленило“ го расчистувале теренот до 7 часот утрово. На местото на паркот треба да се прави административна зграда за Советот за радиодифузија. При тоа била, како што јавуваат некои медиуми употребена е и сила, а на присутните им биле одземани телефоните и фотоапаратите за да не го снимаат настанот.
На ова место имаше парк со скулптурата Крилото на Феникс како дел од меморијалниот комплекс посветен на скопскиот земјотрес од 1963 година, што претставуваше своевиден комплекс заедно со паркчето што претходно беше отстрането спроти „Бристол“, како и со Старата железничка станица.