Фото: Новите згради и фасади не се избрани, но се најдоа на туристичката мапа на Скопје

Добивај вести на Viber

Идејните решенија за идните административни зданија на Народната банка на Македонија, Советот за радиодифузија, Електрани на Македонија (ЕЛЕМ), објектот на регулаторни тела и на МЕПСО се објавија во новата туристичка мапа на главниот град. За најголем дел од новите згради не е завршена постапката за избор на победнички труд и не се објавени имињата на архитектите во македонската јавност. Градот Скопје сепак се одлучи визуелизациите на објектите да ги вметне во мапата на туристички знаменитости на метрополата, објави Алфа. Новата зграда на НБРМ треба да се гради на просторот зад МНР. Зградата на ЕЛЕМ треба да се гради на местото на зеленилото спроти Бристол, а онаа на СРД во паркчето до хотелот. МЕПСО нема да гради нова зграда, туку ќе ја менува фасадата на старата. Додека дел од најавените објекти се во мапата, дел ги нема во неа. За Офицерскиот Дом и хотелот кој треба да ги гради Кондоминас, споменикот на Мајка Тереза или колонадата немало место во туристичката мапа, пишува Алфа. Алфа побарала фотографии од идејните решенија и од дел од институциите кои треба да ги градат овие згради. Од НБРМ изјавиле дека идејното решение не официјално избрано од страна на НБРМ. „НБРМ со локацијата има добиено идејно решение од Министертвото за транспорт, од кое изготвувачот на идејниот проект ќе примени и ќе проектира архитектонско фасадни елементи како фасадите од идејното решение“- велат меѓу другото од НБРМ.