(ФОТО) Ова е палестинската тинејџерка која им се спротивстави на израелските војници
Објавено во: Свет 20 Декември, 2017
Израелските војници ја уапсиле младата 16-годишна Палестинка Ахед Тамими, ден откако на социјалните мрежи била поставена снимка на која таа удира и шутира двајца нивни припадници.
Девојката е одведена на испрашување, а некои медиуми ги пренеле зборовите на нејзиниот татко, дека е уапсена во текот на ноќта, како и дека, таа и нејзината мајка биле претепани. Тамими е позната по своите учества на протестите против израелската војска.
Израелскиот министер за одбрана, Авигдор Либерман, изјавил дека нема само таа Палестинка, Ахед Тамими, да се соочи со последиците од своите акции, туку и "нејзините родители и околината ќе го добијат тоа што го заслужуваат", пренеле израелските медиуми.
Видеото е снимено во текот на демонстрациите во едно село на Западниот брег во петокот, а на него се гледа дека војниците се воздржуваат да реагираат на шлаканиците, туркањето и ударите на палестинската девојка.
Војниците рекле дека пред инцидентот и снимката која била поставена на интернет, Палестинците фрлале камења кон нив од своите куќи.