(ФОТО+ВИДЕО) УРАГАН ВО ГРЦИЈА: Грците се засолнуваат, ќе дуваат ветрови со брзина над 200 км на час
Објавено во: Балкан 18 Септември, 2020
Редок медитерански ураган ги зафати островите во западна Грција. Имаше обилни врнежи од дожд и прекини во снабдувањето со електрична енергија.
Насекаде паѓаат дрвја. Има поплавени улици и прекини во сообраќајот на островите Кефалонија, Закинтос и Итака. Бурата Јанос е именувана како „медикан“, односно медитерански ураган и овој феномен првпат се појави во Грција во 1995 година.
Танјуг објави дека под удар на циклонот, јахта која пловела под знамето на Швајцарија, е исфрлена на карпите на полуостровот Итака.
Најновите метеоролошки прогнози покажуваат дека овој многу редок ураган може да биде најсилниот во историјата на овие простори.
Жителите се информирани да се засолнат. Метеоролозите очекуваат огромни количини дожд, поплави и ветрови со брзина од над 200 километри на час.