Франција се вклучува во војната во Ирак?

Добивај вести на Viber

Францускиот претседател Франсоа Оланд објави дека Франција во следните неколку часа ќе пристапи кон прва испорака на опрема за помош во Ирак. Тој додаде дека неговата земја е „подготвена да го заземе своето место во групата со САД и другите земји кои сакаат да одговорат на апелот од Советот за безбедност на ОН“. Засега нема информации во колкав степен е подготвен Париз да се вклучи во интервенцијата која преку воздушни напади и испорака на хуманитарна помош веќе ја започнаа САД. Во телефонски разговор со претседателот на ирачки Курдистан Масуд Барзани Оланд изразил подготвеност Франција „да застане во одбрана на цивилите - жртви на непрекинатите злосторства на Исламската држава“, објави Елисејската палата. Францускиот претседател ја истакнал својата решителност да ја мобилизира и останатата меѓународна заедница и додал дека од Европската унија веќе побарал итно да се донесат мерки за задоволување на главните хуманитарни потреби на Ирак. Франција во следните неколку часа ќе започне со испорака на првата опрема, се додава во соопштението.