Добивај вести на Viber
Француската даночна служба плаќа 500 агенти низ светот , кои ги бараат француските даночни обврзници избегани во странство. Како што пренесува швајцарскиот дневен весник „Ле Матан“, Швајцарија често пати била мета на ваквите итраги и тоа без одобрување од швајцарските власти.
Како што обелоденил еден од даночните агенти иако официјално не смеело да се престојува во Швајцарија, ништо не ги спречувало „приватно“ да отпатуваат за Женева.
Агентот тврди дека швајцарските власти последниве години многу бавно одговараат на барањата испратени од Франција за водење истраги на нивна територија. Затоа француската даночна служба се решила на ваков чекор.
Француската даночна служба не ги потврдила ваквите обвинувања, додека Микаел Лаубер, јавен обвинител на Швајцарија признава дека бил во тек со илегалните мисии, но нагласува дека „тешко е да се најде потребниот доказ за отворање на официјална истрага“.