ГАЛЕРИЈА: Ова се државите со најголеми долгови

Добивај вести на Viber

Во последните неколку месеци должничката криза на Грција речиси не слегува од насловните страници на економските изданија. Но иако нашиот јужен сосед е сериозно задолжен, во однос на соодносот долг по глава на жител има доста лоши примери, од кои некои изненадувачки. Да ја земеме за пример Норвешка. Во богатата со нафта држава живеат 5,2 милиони жители. Ако се подели долгот на државата кон бројот на населението, со тоа се добива сооднос на долг кон глава на жител во износ од 34 910 долари (32 416 евра). Бидејќи сепак и бруто домашниот производ е висок, долговното оптоварување е подносливо. Државата има долг во износ од 34,1 отсто од БДП и се е здоволна високата доверба од страна на рејтинг агенциите и инвеститорите. Германија, која се смета за едно од последните сигурни пристаништа во еврозоната, за што инвеститорите понекогаш се подготвени да платат за да вложуваат пари во германски обврзници, има доста високо ниво на задолженост. Секој од 81,8 милиони жители на федералната република треба да плати по 35 881 долари, или вкупно 33,318 милијарди евра, за да може Германија да го отплати долгот одеднаш. Друг таков пример е Холандија. Економијата куца, а врвниот рејтинг и беше одземен. Државниот долг на земјата се зголеми во текот на минатите години од 66,5 отсто до над 70 отсто од БДП по глава на жител (16,8 милиони жители) нивото е од 37 233 долари, или над 35 000 евра на човек. 5-то место - Белгија Доста високо е односот на долгот кон глава на жител во Белгија. Тука тој изнесува 47 749 долари (44 338 евра). Апсолутниот државен долг изнесува 375 милијарди евра. Ова одговара речиси на економските перформанси на земјата. 4-то место - Сингапур Азиската земја е економски лидер во регионот. Сепак долговниот притисок на земјата со 5,5 милиони жители е доста висок. Долговите на жител изнесуваат 56 980 долари (52 910 евра). Општо земено, долгот на државата е во износ од 106,2 отсто од БДП. 3-то место - САД И покрај гигантскиот куп на долгот во износ од 12,326 трилиони евра (107 отсто од БДП), САД се едвај на третото место во ова рангирање. Поради големото население САД имаат ниво од 39 231 евра по глава на жител. 2-то место: Ирска Поради финансиската криза земјата има долг од над 60 000 долари по глава на жител. Вкупниот долг изнесува 121 отсто од БДП на земјата, над кои рекордерот во рангирањето може само да се смее. 1-то место: Јапонија Долговите на Јапонија изнесуваат 8,491 трилиони евра. Уште по драматичен е односот кон БДП. Со 238 проценти од БДП долгот е двојно повисок од економското производство. И во однос на долгот по глава на жител Јапонија е лидер во рангирањето - 66 541 евра на жител. Обработка: К.К. Извoр: Investor