Гаврил Бубевски пред назначување за нов претседател на скопското обвинителство
Објавено во: Македонија 18 Јануари, 2022
Поранешниот обвинител од Специјалното јавно обвинителство, Гаврил Бубевски, ќе биде нов претседател на Јавно обвинителство - Скопје, потврдуваат неофицијално за ТВ24 од Советот на јавни обвинители.
Бубевски беше дел од поранешното СЈО, а потоа ја продолжи својата работа во скопското Обвинителство.
Познат е во јавноста по тоа што ги застапува предметите „Насилство во Центар“ и „Монструм“.
До пред половина година скопското обвинителство го водеше Сашо Рајчев, кој се повлече од позицијата и беше избран за виш обвинител.