Герасимовски: За странските дипломати мора да важат истите прописи за паркирање како и за сите други граѓани во Центар
Објавено во: Македонија 10 Октомври, 2025 10:44
Општина Центар – Скопје испрати протестна нота до Амбасадата на Република Австрија поради непрописно паркирање и загрозување на безбедноста на пешаците.
Во целост ја пренесуваме протестната нота, потпишана од градоначалникот на Општина Центар, Горан Герасимовски.
Општина Центар – Скопје упатува најостар протест поради непрописното паркирање на дипломатско возило на австриската амбасада со регистарски таблици 22-CMD-01, кое на 8 октомври 2025 година (среда) било паркирано во пешачка зона во паркот во населбата Капиштец, во близина на улицата „Народен фронт“, наспроти угостителскиот објект „Интермецо“.
Оваа постапка претставува директно прекршување на сообраќајните правила и нарушување на јавната безбедност.
Овој простор е наменет за рекреација на граѓаните, со спортски и детски игралишта каде секојдневно престојуваат деца, млади и семејства. Со ваквото однесување се загрозува јавниот ред и безбедноста во урбаната средина.
Општина Центар потсетува дека, и покрај дипломатскиот статус на возилата, почитувањето на локалните прописи и правилата за јавен ред и безбедност е основен принцип што важи за сите, вклучително и за дипломатските претставништва во Република Северна Македонија.
Во таа насока, Општина Центар бара од Министерството за надворешни работи да ја извести Амбасадата на Република Австрија и да преземе соодветни дипломатски мерки за спречување на вакви случаи во иднина.
Општината ја користи оваа прилика да го изрази своето уверување во взаемното почитување и соработка со дипломатската заедница, во духот на добрите односи и меѓусебното разбирање.
Во прилог на овој допис се доставени фотографии од дипломатското возило паркирано на наведената локација.
Неговата порака ја објави и на социјалните мрежи:
Можеби ќе ве интересира
Калајџиев: Европската комисија со извештајот ѝ испрати прекор на Владата
(ВИДЕО) БАГЕРИ ВЛЕГОА ВО ВАРДАР: Се чисти коритото на реката во центарот на градот
ПО СКАНДАЛОТ СО КОРУПЦИЈА, СЕ ОГЛАСИ ТРИПУНОВСКИ: Нема никаква опасност по ИПАРД средствата
Остатоци од човечко тело пронајдени во атарот на селото Сопот
ЃОРЃИЕВСКИ ЌЕ ГИ ЧЕШЛА ЈАВНИТЕ ПРЕТПРИЈАТИЈА: Ќе брка од работа и ќе проверува што се работело
(ВИДЕО) МАЛОЛЕТНИЦИ ВО ШТИП ПРАВАТ ХАОС И СЕ СМЕАТ: Фрлаат канти за отпад на тераси
ГРК, КОСОВЕЦ И ДВАЈЦА МАКЕДОНЦИ: Организирале борби со кучиња, ќе одговараат за убивање и мачење животни
„ПОСТОИ ТИШИНА ШТО ДОАЃА ПО ПОРАЗОТ, НА НЕА НИЕДНА ПОБЕДА НЕ МОЖЕ ДА ВЕ НАУЧИ“: Се огласи Османи по загубата на локалните избори
„КОГА ЌЕ ДОЈДЕШ КАКО ГОЛТАР НА ВЛАСТ, А ЌЕ ИЗЛЕЗЕШ БИЗНИСМЕН“: Најчевска наброја што точно спаѓа под злоупотреба на службена должност
