Добивај вести на Viber
Германската компанија Фрапорт, која управува со аеродромот во Франкфурт и во 12 други градови, го купи и аеродромот во Љубљана за кој плати 234 милиони евра.
Љубљанскиот аеродром минатата година беше ставен на пописот на претпријатија во мнозинска државна сопственост кои треба да се приватизираат.
Се до последен момент во трка за аеродромот во Љубљана беше и францвуската компанија Венси. Во продажба беа 75,5% од акциите кои беа во сопственост на државата и некои фондови.
Аеродромот Љубљана беше највредна компанија во државна сопственост, со исклучок на Телеком Словенија, кој исто така е во рамките на планираната приватизација. За Телеком Словенија постапката во моментот е стопирана до почетокот на работата на новата Влада на Миро Церар.