Германија на нозе: Владата со порака до раководните лица на Фолксваген

Добивај вести на Viber

Германската влада го повика Фолксваген - Volkswagen (VW) да ги заштити работните места, бидејќи претставниците на работниците во компанијата најавија планови за затворање на најмалку три фабрики во земјата и отпуштање на десетици илјади работници.

Ставот на канцеларот Олаф Шолц е јасен, изјави владиниот претставник во Берлин. 

- Евентуалните погрешни одлуки на администрацијата во минатото не треба да бидат на товар на работниците - рече тој.

Целта е да се зачуваат и обезбедат работните места во автомобилскиот гигант.

Претседателката на работниот совет на VW, Даниела Кавало, претходно изјави дека концернот планира да затвори најмалку три фабрики и да направи отпуштања во сите други фабрики во Германија.

Кавало и другите претставници на работниците ветија дека ќе се спротивстават на какви било отпуштања.

Може ли Голф да го спаси VW?

Иако повеќе не е лидер во европската продажба на нови автомобили, Golf и понатаму е најважниот и во исто време најпродаваниот модел на Volkswagen со 20 отсто поголема продажба оваа година од лани.

Голфот исто така ги надмина сите електрични модели на VW заедно, иако беше речиси линчуван за нив.

Golf 8 беше лансиран во најтешкото време за овој модел. Имено, тој пристигна на пазарот во моментот на електрификација и на пазарот и на брендот, додека газдите бомбастично најавија прекин со минатото и преминување кон електромобилност.

Golf е единствениот модел на VW кој за девет месеци забележа раст на продажбата од дури 20 проценти. Речиси 165.000 различни верзии на Golf се регистрирани во Европа во периодот јануари - септември.

Спротивно на тоа, најпродаваниот електричен модел, ID.4, испорача нешто помалку од 46.000 единици. Сите други електрични модели, заедно со најпродаваните, не можат ни да се доближат до „класичниот“ Голф.