Германски совети и 2,5 милиони евра за рамномерен регионален развој

Добивај вести на Viber

Само со добра политиката на рамномерен регионален развој, може да се реши дисбалансот во развојот на Македонија, изјави денеска Рајнхолд Бауерле, тим лидер на ГИЗ канцеларијата од Скопје кој денеска ја го посети Центарот за развој на Југозападниот плански регион.

Сепак , вели Бауерле, за ова е потребна цврста поддршка и од централната и од локалната власт. Тој посочи дека сега е важно да се направи оценка за досегашното функционирање на Законот за рамномерен регионален развој и да се согледаат неговите слабости. Исто така, истакна тој, во рамките на Европската унија во новиот програмски период од 2013-2020 година, се преземаат сериозни програмски чекори за подигнување на степенот на развиеност на планските региони преку обезбедување поголеми фондови.

Според планираното, во следниве две години Германското друштво за техничка соработка, заедно со Швајцарската агенција за развој и соработка, ќе дадат финансиска поддршка за планските региони во државата од околу 2,5 милиони евра, главно за поттикнувањето иновативни проекти во функција на регионален развој.