Германците скокнаа, но наскоро ги очекува пад!

Добивај вести на Viber

Германската економија, најголемата во Европа, веројатно ќе се забави во вториот квартал на 2016 година, откако во првите три месеци на тековната година, оствари стабилна стапка на раст.

„Германската економија почна во 2016 со голем замав. Сепак, падот на темпото на економскиот раст се очекува во вториот квартал“, се наведува во најновиот месечен извештај на германската Централна банка, Бундесбанк, пренесува Франс прес.

Како што се додава, германската економија, имала солидна стапка на раст во втората половина на 2015 година со раст од околу 0,3 одсто во третиот и четвртиот квартал, што, како што e соопштено било во согласност со нејзините потенцијали.

„Сепак, стагнацијата на индустриските порачки и додатно влошување на индексот на бизнис доверба, нема да и донесе ништо добро на економијата во второто овогодишно тромесечие“, порачува Бундесбанк.

Расположението на потрошувачите, како што се вели, и понатаму е многу оптимистично, откако домашната потрошувачка го заменила извозот како примарен мотор на економскиот раст во 2015 година.

За цела 2016 година, Бундесбанк предвидува раст на германската економија од 1,8 одсто, што е благо над проекциите на владата од 1,7 одсто.