ГИ ПРИКАЖУВАЛЕ РУСИТЕ КАКО ЗАОСТАНАТИ РОБОВИ: Путин се закани дека нема да дозволи поделба на Русија

Добивај вести на Viber

Рускиот претседател Владимир Путин вели дека САД сакаат да ја распарчат Русија и да ги ограбат нејзините ресурси.

Тој го предупреди Западот, пред изборите во март 2024 година, дека секое странско мешање во Русија ќе се смета за агресија. Путин рече дека Западот е зафатен од расистичка русофобија која ги прикажува Русите како нација на заостанати „робови“.

Путин ги предупреди Русите дека треба да ги научат лекциите од Болшевичката револуција во 1917 година, граѓанската војна и распадот на Советскиот Сојуз во 1991 година, кои според него го поделиле рускиот народ.

„Секој обид за сеење меѓуетнички или меѓурелигиски раздор, поделба на нашето општество, предавство, е криминал против цела Русија. Нема да дозволиме никој да ја подели Русија“, додаде тој.

Изборната кампања за претседателските избори ќе почне следниот месец и се очекува Путин да се кандидира. Тој е на власт од 2012 година, а пред тоа владееше од 2000 до 2008 година.

Рускиот патријарх Кирил рече дека ќе се моли Путин да продолжи да работи „за доброто“ на Русија и рускиот народ. Руската православна црква ја поддржува војната во Украина. Руската инвазија на Украина почна пред повеќе од 20 месеци. Истакнати Руси кажуваа дека ако Русија ја изгуби војната во Украина, може да дојде до нејзина поделба. 

foto EPA-EFE/ALEXANDER KAZAKOV / SPUTNIK / KREMLIN POOL MANDATORY CREDIT