ГИ ЗАСТАПУВАШЕ СТАЛИНИСТИЧКИТЕ СТАВОВИ, А ПОТОА СВРТЕ КОН ДЕСНО: Која е Сара Вагенкнехт која сака да земе гласови од АфД
Објавено во: Свет 08 Јануари, 2024
Во Берлин денеска
е основана нова партија наречена Сојуз Sahra Wagenknecht (BSW), на чие чело е токму
Сара Вагенкнехт, поранешна членка на партијата Левица
„Ова е историски момент. Нашиот сојуз суштински ќе го промени политичкиот пејзаж на Сојузна Република Германија“, рече Сара Вагенкнехт на церемонијата на основање на партијата.
Таа најави дека до следните парламентарни избори следната година партијата ќе работи на својата програма, но дека на изборите за Европскиот парламент во јуни годинава ќе учествува со свои кандидати. Исто така, поранешната политичарка од Левата партија Амира Мохамед Али ја презеде потпретседателската позиција.
„Сакаме да ја надминеме неспособноста и ароганцијата на актуелната власт“
Аналитичарите веруваат дека партијата на Сахра Вагенкнехт, која во рамките на партијата Левица ги претставуваше десничарските позиции како отпорот кон имиграцијата, може да привлече голем број гласачи кои сега гласаат за десничарската, популистичка Алтернатива за Германија, која е особено популарна во источниот дел на земјата.
Вагенкнехт рече дека целта на формирањето на БСВ е да се надмине „неспособноста и ароганцијата“ на сегашната федерална влада. „Граѓаните, особено во источна Германија, се чувствуваат оставени на цедило“, рече Вагенкнехт.
Сахра Вагенкнехт, која делумно има иранско потекло, го привлече вниманието на јавноста со своите екстремни политички ставови, почнувајќи од сталинистички до десничарски популистички позиции, од нејзиното доаѓање на политичката сцена по падот на Источна Германија, каде што беше член на режимската партија СЕД.
ФОТО: EPA-EFE/FILIP SINGER