22 Септември, 2020
0.0246

Гледајте ја Преспав на ТВ 24 во 19 часот

Објавено во: Стил 26 Декември, 2017

Македонскиот ситком Преспав од вечерва ќе се прикажува на телевизија 24. Гледачите ќе може да ги гледаат најновите епизоди од втората сезона секој вторник и среда од 19 часот на Телевизија 24 (репризите се истите денови од 22:30 часот).

„Преспав“ е првиот македонски сит-ком проект, целосно осмислен и одработен од македонски продуценти, сценаристи и актери, кои вложија сериозен труд и култивираа бесценето знаење и искуство за вакви слични понатамошни проекти. Секоја епизода е инспирирана од општествена тема, актуелен проблем или конфликт, и разрешница која предизвикува смеа, но воедно пружа и реален пристап. Сценаријата се на: Елеонора Венинова, Сашо Кокаланов, Венко Андоновски и Димитар Банов.

Семејната приказна на тројцата браќа Бузалевски, кои иако дијаметрално карактерно различни, имаат една заедничка цел – да инвестираат во промени во својот роден крај, е во режија на Игор Иванов Изи.

Во „Преспав“ учествува актерската екипа во состав: Игор Џамазов, Јелена Јованова, Тијана Дапчевиќ, Игор Ангелов, Игор Стојчевски, Васил Зафирчев, Горан Стојановски и Адриан Азири.

Композитор музиката од најавната шпица која навестува 30-минутна релаксација пред малите екрани за целото семејство е на Мите Димовски од студиото Тралала.


Можеби ќе ве интересира

Данко и Tихана Димитровски: Отидовме на одмор на Малдиви, принудно останавме 70 дена поради короната, се вративме со бебе

Данко и Tихана Димитровски: Отидовме на одмор на Малдиви, принудно останавме 70 дена поради короната, се вративме со бебе

ФОТО: Дора Бакојани во патики, Заев доследен на сината вратоврска

ФОТО: Дора Бакојани во патики, Заев доследен на сината вратоврска