„ГО САКАМ ГТЦ ПОВЕЌЕ ОД БИЛО КОГА”: Нов обид на архитектите да го спасат ГТЦ од барокот

Добивај вести на Viber

Додека се подготвува основниот проект за барокната фасада на Градскиот трговски центар во Скопје, архитектите под мотото “Го сакам ГТЦ повеќе од било кога”, повторно ќе се обидат да докажат дека не треба да се менува ликот на овој култен објект за скопјани. На прес-конференцијата на Асоцијацијата на архитекти што ќе се одржи овој петок, архитектите ќе ги изнесат сите аргументи против барокизацијата на ГТЦ Од ААМ соопштија дека поднесле иницијатива до Општина Центар за распишување референдум за подршка на идејата за зачувување на автентичноста на архитектурата на објектот, духот и карактерот на ГТЦ.

- Борбата за ГТЦ е симбол на борбата на се она што му се случи на Скопје, единствено тој ни остана. А единствена шанса е нарачателот конечно да го слишне гласот на архитектите и граѓаните и да го реновира ГТЦ, но да ја задржи функцијата и архитектонското обликување на објектот. ААМ го моли нарачателот за разбирање, соработка и дијалог. Покрај сите активности на ААМ одржаниот протест, потпишување петиција за заштита на ГТЦ, барање до КОАИ за поведување дисциплинска постапка за одземање овластувања на авторите на новиот проектот за ГТЦ врз основ на Статутот и Кодексот на Комората , изготвувањето на Основниот проект за измена на ГТЦ и намерата да се претвори ГТЦ во соема друг објект продолжува.ААМ испрати дописи до трите архитектонски факултети Универзитетот Св. Кирил и Методиј, Американ колеџ, Тетовскиот универзитет, допис до КОАИ каде над 50% од членовите се архитекти – Одделениоето за архитектура да учествуваат на овој прес и јавно да изнесат својот став за ГТЦ. Одговор не добивме од никого. Единствен одговор е молк, вели за Фактор, претседателката на ААМ, Сања Раѓеновиќ Јовановиќ.

Неодамна директорот на ГТЦ Аго Абазовски изјави дека основниот проект е при крај и дека наското ќе се распише тендер за избор на изведувач. Изведбениот проект се подготвува врз основа идејното решение на на авторите Жарко Чаушевски и Филип Богатинов. Според плановите реконструкцијата треба да почне летово. Според идејното решение на авторите, фасадата која гледа кон Собранието ќе биде неокласицистички стил со десетици антички столбови, а на кровот ќе има голема тераса со неколку скулптури. И другите страни ќе добијат соодветни украси со брознзени или елементи со златно-жолта боја. Сегашниот објек ГТЦ е изграден според идејното решение на професорот Живко Поповски, кој на конкурсот во 1967 година ја добил наградата за проектот, а ГТЦ е изграден во 1971 година. На почетокот на годинава кога се изгласаа измените на Законот за гардење, архитектите испратија барање до Комората на овластени архитекти, да се вклучи и интервенира во предлог Законот за измени и дополнувања на Законот за градење.Со предлог законот во член 4 се предвидува советот на општините и советот на град Скопје со одлука да го утврдат изгледот на фасадите на објектите кои се во употреба и кои се наоѓаат во централното градско подрачје, доколку сметаат дека истите се од значење за општината или главниот град. На ланската петиција се потпишаа 4.000 граѓани Архитектите од ААМ беа првите кои го кренаа гласот против менувањето на фасадата на ГТЦ во барок. Лани неколку месеци преку кампањата “Го сакам ГТЦ”, покажаа зошто не треба да се менува ликот на овој култен објект. Организираа повеќе активности, од говори на познати архитекти до симболично гушкање на ГТЦ во вид на жив штит, на кое присуствува голем број граѓани, интелектуалци и архитекти. Илјадници граѓани застанаа во одбрана на ГТЦ и му кажаа НЕ на барокот. На петицијата за зачувување на афтентичниот изглед на ГТЦ се потпшиаа над 4.000 граѓани. Градоначалникот Жерновски неколку пати изјави дека нема да издаде градежна дозвола за доградување и менување на фасадата на ГТЦ, но од раководтвото на ГТЦ се уверени дека ќе ги добијат сите дозволи. Минатата година Советот на општина Центар не ги изгласа измените на Деталните урбанистички планови во општината, меѓу кои беше и ДУП-от Мал Ринг. На овој начин Жерновски најави дека нема да се дозволи промена на фасадниот изглед. Ј.С.