Добивај вести на Viber
Математичко-информативната гимназија за талентирани ученици од цела Македонија нема да започне со работа ниту во учебната 2019/2020, потврдија од Министерството за образование за „Факултети“, иако овој проект беше најавен дека же стартува оваа учебна година уште кога Рената Дескоска го предводеше овој ресор. Оправдувањето на министерството е дека во моментов се работи ба обезбедување соодветна локација, односно објект каде што ќе биде сместена гимназијата,
- Математичката гимназија ќе почне со работа кога целосно ќе заврши постапката за нејзино основање и ќе бидат исполнети сите неопходни услови за непречен старт и успешна реализација на овој значаен образовен проект, преку кој ќе се даде поддршка на развојот на потенцијалот на талентираните ученици во соодветната област. Во моментов се работи и на надминување на предизвикот за обезбедување соодветна локација, односно објект каде што гимназијата ќе биде сместена. Очекувањата се дека во следниот конкурс за упис во средни училишта, кој се објавува секоја година во месец март, ќе бидат вметнати и квотите за упис во новото училиште, изјавија од МОН.
Законот за формирање на математичко-информатичката гимназија беше донесен во Собранието во април минатата година, а нејзиното отворање се најавуваше уште од 2017 година. Во нејзини рамки треба да дејствува и Центар за талентирани ученици каде што ќе се изучуваат напредни програми по математика, физика и информатика.